قر دەنساۋلىق ساقتاۋ مينيسترلىگى 2022 جىلدان باستاپ دەنساۋلىق ساقتاۋ ۇيىمدارىنداعى مەديتسينالىق ەمەس قىزمەتكەرلەردىڭ جالاقىسىن كوتەرۋ ماسەلەسىن پىسىقتاۋدا, دەدى بۇگىن دەنساۋلىق ساقتاۋ ءمينيسترى الەكسەي تسوي قر پرەمەر-ءمينيسترىنىڭ ورىنباسارى ەرالى توعجانوۆتىڭ قاتىسۋىمەن وتكەن ۆەدومستۆونىڭ 2020 جىلعى قىزمەتىنىڭ قورىتىندىسى جانە 2021 جىلعا ارنالعان مىندەتتەرى بويىنشا كەڭەيتىلگەن القا وتىرىسىندا.
«وسىلايشا, 2021 جىلى دارىگەرلەردىڭ ورتاشا جالاقىسى شامامەن 320 مىڭ تەڭگە بولادى. 2023 جىلى 561 مىڭ تەڭگەگە دەيىن جەتەدى. 2021 جىلى ورتا مەديتسينا قىزمەتكەرلەرىنىڭ ورتاشا جالاقىسى 173 مىڭ تەڭگە, 2023 جىلى 210 مىڭ تەڭگەگە جەتەدى», - دەدى ا.تسوي.
دەنساۋلىق ساقتاۋ ءمينيسترى مەملەكەت باسشىسى بيىلدان باستاپ دارىگەرلەردىڭ جالاقىسىن كەزەڭ-كەزەڭىمەن كوتەرۋ مىندەتىن قويعانىن ەسكە سالدى.
2023 جىلعا قاراي دارىگەرلەردىڭ جالاقىسى ەكونوميكاداعى ورتاشا جالاقىدان ەكى جارىم ەسە جوعارى دەڭگەيگە جەتەدى دەپ بولجانۋدا. ماسەلەن, 247 مىڭ مەديتسينا قىزمەتكەرىنىڭ جالاقىسىن كوتەرۋگە رەسپۋبليكالىق بيۋدجەتتە ءتيىستى شىعىستار كوزدەلگەن. 2021 جىلى – 222 ملرد.تەڭگە, 2022 جىلى – 362 ملرد. تەڭگە, 2023 جىلى-557 ملرد. تەڭگە.
سونىمەن قاتار, 2020 جىلدىڭ وزىندە دارىگەرلەردىڭ ورتاشا جالاقىسى 30%, ورتا مەديتسينا قىزمەتكەرلەرىنىڭ جالاقىسى 20% ءوستى.
دەنساۋلىق ساقتاۋ ءمينيسترى مەديتسينا قىزمەتكەرلەرىن الەۋمەتتىك قولداۋ بويىنشا ۇكىمەت قابىلداپ جاتقان شارالار تۋرالى ايتتى. ا.تسوي بۇل اسپەكت ەل باسشىلىعىنىڭ ەرەكشە باقىلاۋىندا ەكەنىن اتاپ ءوتتى.
«پاندەميادا مەديتسينا قىزمەتكەرلەرىنىڭ جۇمىسى الەۋمەتتىك تۇرعىدا وتە ماڭىزدى ەكەنى بەلگىلى بولدى, وعان ناقتى ادامداردىڭ ءومىرى عانا ەمەس, جالپى ەكونوميكانىڭ تۇراقتىلىعى دا تاۋەلدى», - دەدى ا.تسوي.
ەستەرىڭىزگە سالا كەتەيىك, كوروناۆيرۋس ينفەكتسياسى پاندەمياسى كەزىندە ەپيدەمياعا قارسى ءىس-شارالارعا تارتىلعان مەديتسينا قىزمەتكەرلەرىنە قر ۇكىمەتىنىڭ شەشىمىمەن ماتەريالدىق قولداۋ كورسەتىلدى. 3 تاۋەكەل توبىنا 116 ملرد تەڭگە كولەمىندە ۇستەماقى تولەندى.
ۇستەماقىمەن قاتار, مەملەكەت باسشىسىنىڭ شەشىمى ارقاسىندا 9 مىڭنان استام ناۋقاس مەديتسينالىق كومەك ءۇشىن الەۋمەتتىك تولەم الدى.