العىس ايتۋ كۇنى – ءبىزدىڭ مەملەكەت ءۇشىن ايتۋلى مەرەكەلەردىڭ ءبىرى. ويتكەنى ءبىز بۇل مەرەكە ارقىلى ءوزىمىزدىڭ وتانعا دەگەن سۇيىسپەنشىلىگىمىزدى, ورتامىزعا, اتا-انا, اعايىن-تۋىس, باۋىرلارىمىزعا, بارشا وتانداستارىمىزعا دەگەن قۇرمەتىمىزدى بىلدىرەمىز.
بۇل كۇنى وسكەلەڭ ۇرپاقتى دوستىققا, تولەرانتتىلىققا, وتانسۇيگىشتىككە تاربيەلەۋدىڭ, ەتنوسارالىق كەلىسىمدى نىعايتۋدىڭ قانشالىقتى ماڭىزدى ەكەنى ايشىقتالا كورىنەدى. ال العىس ايتۋ دەگەنىمىز – ءبىزدىڭ ءبىر-بىرىمىزگە دەگەن يگى نيەتىمىزدى, ىقىلاسىمىزدى, دوستىعىمىزدى ءبىلدىرۋ.
قازاقستان – ءار جەردەن كوشىپ كەلگەن وزگە ەتنوس وكىلدەرىن قۇشاق جايا قارسى العان مەملەكەت. ال ءدال وسى كۇن بارلىق ەتنوستار قازاقستانعا, قازاق حالقىنا دەگەن العىستارىن ءبىلدىرۋى اتالعان مەرەكەنىڭ نەگىزگى ءمانىن ايقىندايدى.
كەيدە «بۇل كۇن نە ءۇشىن كەرەك؟» دەگەن ساۋال قويىلىپ جاتادى. مەن بۇعان بىلاي جاۋاپ بەرەر ەدىم: ء«بىز كەيدە ەلىمىزگە, ءوزىمىز جاقسى كورەتىن جاندارعا, دوستارىمىزعا العىس ايتۋدى ۇمىتىپ كەتىپ جاتامىز. ال وسى 1 ناۋرىز – العىس ايتۋ مەرەكەسى بىزگە العىس ايتۋدىڭ قاشاندا كەرەك ەكەندىگىن ەسكە سالىپ وتىرادى. سوندىقتان دا بىزگە العىس ايتۋ كۇنى كەرەك».
وسى العىس ايتۋ كۇنى تۋرالى ەلىمىزدىڭ تۇڭعىش پرەزيدەنتى نۇرسۇلتان نازارباەۆ «قازاقستان حالقى اسسامبلەياسى قۇرىلعان كۇن, ياعني 1 ناۋرىزدى جىل سايىن بارلىق ەتنوستىڭ ءبىر-بىرىنە جانە مەيىرباندىق تانىتىپ, ول ادامداردى ءوز تۋعانىنداي قابىلداعان قازاقتارعا العىس ايتۋ كۇنى رەتىندە اتاپ ءوتۋى ادىلەتتى بولار ەدى. بۇل كۇن ءبىزدى بۇرىنعىدان دا جاقىنداستىرا تۇسپەك. بۇل كۇن – مەيىرىمدىلىكتىڭ, بۇكىل قازاقستاندىقتاردىڭ ءبىر-بىرىنە دەگەن دوستىعى مەن ماحابباتىنىڭ جارقىن مەرەكەسى بولار ەدى» دەگەن بولاتىن.
مەن اناما – ءومىر سىيلاعانى ءۇشىن, اكەمە – قورعان بولعانى ءۇشىن, اتام مەن اجەمە – ىستىق الاقانى ءۇشىن, وتانىما – سايا بولعانى ءۇشىن العىسىمدى بىلدىرگىم كەلەدى.
ءاردايىم اينالامىزعا مەيىرىمىمىزدى توگىپ, العىس ايتىپ جۇرەيىك.
دەلناز مەنسەيتوۆا,
11-سىنىپ وكۋشىسى
باتىس قازاقستان وبلىسى,
تاسقالا اۋدانى,
اكتاۋ اۋىلى