اقتاۋ قالاسىندا جەكە بەينەماتەريالدىڭ زاڭسىز تارالۋىنا قاتىستى وقيعا تىركەلىپ, پوليتسيا تاراپىنان قىلمىستىق ءىس قوزعالدى, دەپ حابارلايدى Egemen.kz.
بەلگىلى بولعانداي, جەرگىلىكتى بلوگەرلەر قۇقىق قورعاۋ ورگاندارىنا جۇگىنىپ, WhatsApp مەسسەندجەرى ارقىلى جەكە پايدالانۋعا ارنالعان بەينەجازبالارىنىڭ رۇقساتسىز تارالعانىن حابارلاعان.
اتالعان دەرەك بويىنشا قىلمىستىق كودەكستىڭ 147-بابى نەگىزىندە قىلمىستىق ءىس قوزعالدى. جۇرگىزىلگەن جەدەل-ىزدەستىرۋ شارالارىنىڭ ناتيجەسىندە كۇدىكتى انىقتالىپ, ۇستالدى. ول قالا تۇرعىنى جانە كامەلەتكە تولماعان ءجاسوسپىرىم ەكەنى بەلگىلى بولدى.
الماتى پروكۋراتۋراسى بلوگەر ادىلەتحان مولداحاننىڭ ىسىنە قاتىستى پىكىر ءبىلدىردى
قازىرگى ۋاقىتتا وقيعانىڭ بارلىق ءمان-جايى انىقتالىپ جاتىر.
پوليتسيا ازاماتتارعا جەكە, قۇپيا سيپاتتاعى ماتەريالداردى يەسىنىڭ كەلىسىمىنسىز تاراتۋ زاڭ بويىنشا قىلمىستىق جاۋاپكەرشىلىككە اكەلەتىنىن ەسكەرتەدى.