زارداپ شەككەن ءتورت ادام ءتۇرلى جاراقاتپەن اۋرۋحاناعا جەتكىزىلدى, بىرەۋى اۋرۋحاناعا جاتقىزۋدان باس تارتتى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ مالىمەتىنشە, بۇگىن «103» قىزمەتىنە لەنين كەنتىنىڭ جانىنداعى رەسپۋبليكالىق تاس جولدا ەكى كولىك سوقتىعىسقانى تۋرالى حابارلاما ءتۇستى. جول اپاتىنان بەس ادام زارداپ شەكتى.
«1964 جانە 1986 جىلدارى تۋعان ەكى ەر ادامعا جابىق باس سۇيەك-مي جاراقاتى جانە باس ميىنىڭ شايقالۋى دياگنوزى قويىلعان» دەلىنگەن حابارلامادا.
سونداي-اق جول اپاتىنان ءۇش ايەل زارداپ شەككەن, ونىڭ بىرەۋى 81 جاستاعى زەينەتكەردە كەۋدەسىنىڭ جابىق سىنىعى انىقتالدى. 1966 جانە 1974 جىلدارى تۋعان ەكەۋىندە بىلەك بۋىنىنىڭ كوگەرۋى تىركەلدى, ولاردىڭ بىرەۋى اۋرۋحاناعا جاتقىزۋدان باس تارتتى.بارلىق زارداپ شەككەندەر №1 قالالىق اۋرۋحاناعا جەتكىزىلدى.