بۇگىن پرەمەر-مينيستر ورىنباسارى ەرالى توعجانوۆتىڭ توراعالىعىمەن قازاقستان اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) وتىرىسى ءوتتى, دەپ حابارلايدى Egemen.kz.
ايتا كەتسەك, جۋىردا قمدب توراعاسى ناۋرىزباي قاجى تاعان ۇلى ەلوردادا دەنساۋلىق ساقتاۋ مينيسترى الەكسەي تسويمەن, سونداي-اق دەنساۋلىق ساقتاۋ ۆيتسە-ءمينيسترى – باس مەملەكەتتىك سانيتارلىق دارىگەر ەرلان قياسوۆپەن ارنايى كەزدەسىپ, كوروناۆيرۋس ينفەكتسياسىنىڭ تارالۋى بويىنشا قاۋىپسىز «جاسىل ايماقتا» ورنالاسقان وڭىرلەردەگى مەشىتتەردە جۇما نامازىن وقۋعا رۇقسات بەرۋ تۋرالى ۇسىنىسىن جەتكىزگەن ەدى.