سقو پوليتسەيلەرى «قارۋ» جەدەل-پروفيلاكتيكالىق ءىس-شاراسى اياسىندا قىزىلجار اۋدانىنىڭ ءبىر تۇرعىنىنان «يج» ماركالى قارۋدىڭ تۇتاس ارسەنالىن تاپتى.
مال وسىرۋمەن اينالىساتىن 40 جاستاعى تۇرعىندا تىركەلگەن ەكى «يج» مىلتىعى بولعان. بۇلاردان باسقا تىركەلمەگەن ەكى اڭشى مىلتىعى جانە «يج-56 «بەلكا» اتتى ويىق ۇڭعىلى مىلتىعى بولعان. اتالعان فاكتى قىلمىستىق كودەكستىڭ 287-بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. پوليتسيا قاجەتتى ساراپتامالاردى تاعايىنداپ, تىركەلمەگەن مىلتىقتاردىڭ قىلمىستارعا قاتىستىلىعىن انىقتاۋدى قولعا الدى.
جالپى «قارۋ» وپەراتسياسىنىڭ 3 كۇنى ىشىندە 3047 قارۋ يەسى تەكسەرىلدى. 143 بۇزۋشىلىق, ونىڭ ىشىندە 116-سى ساقتاۋ ەرەجەلەرىن بۇزۋ, 27-ءسى قارۋدى تىركەۋ نەمەسە قايتا تىركەۋ, ولاردى ەسەپكە قويۋ ءتارتىبىن بۇزۋ انىقتالدى. زاڭسىز ساقتاۋدان 13 قارۋ الىندى.