نۇر-سۇلتان قالاسىنىڭ دوستىق ۇيىندە قازاقستان حالقى اسسامبلەياسىنىڭ دەپۋتاتتىق توبىنىڭ مۇشەلەرى – قر پارلامەنتى ءماجىلىسى دەپۋتاتتارىنىڭ قازاقستان حالقى اسسامبلەياسىنىڭ «جاڭعىرۋ جولى» رەسپۋبليكالىق جاستار قوزعالىسىنىڭ بەلسەندىلەرىمەن كەزدەسۋى ءوتتى, دەپ حابارلايدى Egemen.kz.
ءىس-شاراعا اقپارات جانە قوعامدىق دامۋ مينيسترلىگى ەتنوسارالىق قاتىناستاردى دامىتۋ كوميتەتىنىڭ, قحا «جاڭعىرۋ جولى» رەسپۋبليكالىق جاستار قوزعالىسىنىڭ, جاستار ۇيىمدارىنىڭ وكىلدەرى, جاستار ساياساتى سالاسىنداعى شاقىرىلعان ساراپشىلار, بۇقارالىق اقپارات قۇرالدارىنىڭ وكىلدەرى جانە ت.ب. قاتىستى.
ءىس-شارا جاستار قوعامداستىعىن دامىتۋدىڭ وزەكتى باعىتتارى بويىنشا ساراپتامالىق ديالوگ الاڭىن قۇرۋ, جاستار باستامالارىن قولداۋ بويىنشا ناقتى تەتىكتەردى ازىرلەۋ, قر پارلامەنتى ءماجىلىسى دەپۋتاتتارىنىڭ بەلسەندى جاستار كوشباسشىلارىنا تالىمگەرلىك ينستيتۋتىن دامىتۋ ماقساتىندا وتكىزىلدى.
ساراپتامالىق كەزدەسۋ بارىسىندا قاتىسۋشىلار جاستار ساياساتى سالاسىنداعى وزەكتى ۇردىستەردى, جاستار باستامالارىن قولداۋ جانە ىلگەرىلەتۋ بويىنشا ۇسىنىستاردى, جاستار ۇيىمدارىنىڭ قىزمەتىن كونتەنتتىك تولىقتىرۋدى, شىعارماشىل جاستاردى, ونىڭ ىشىندە مۇمكىندىكتەرى شەكتەۋلى جاستاردى قولداۋدى, ەكونوميكا سەكتورلارىن دامىتۋ بويىنشا كرەاتيۆتى ءتاسىلدى تالقىلادى.
سونداي-اق, «مەملەكەتتىك جاستار ساياساتى تۋرالى» قر زاڭىن جەتىلدىرۋ بويىنشا ۇسىنىستار ايتىلدى.