اقمولا وبلىسى پروكۋراتۋراسىنىڭ ءباسپاسوز قىزمەتى وڭىردەگى 5 اۋداننىڭ پروكۋرورلارى تاعايىندالعانىن ءمالىم ەتتى, دەپ حابارلايدى Egemen.kz
قر باس پروكۋرورىنىڭ بۇيرىعىمەن زەرەندى اۋدانىنىڭ پروكۋرورى بولىپ اسقار بايجانوۆ, ەسىل اۋدانىنىڭ پروكۋرورى بولىپ اسحات قابدۋشەۆ, ءبىرجان سال اۋدانىنىڭ پروكۋرورى بولىپ سامات نۇرمانبەكوۆ, بۋراباي اۋدانىنىڭ پروكۋرورى بولىپ باعدات شەرالى, قورعالجىن اۋدانىنىڭ پروكۋرورى بولىپ جاندوس نۇرجانوۆ تاعايىندالدى,
اسقار بايجانوۆ 1981 جىلى تۋعان. قازاق گۋمانيتارلىق زاڭ ۋنيۆەرسيتەتىن «قۇقىقتانۋ» ماماندىعى بويىنشا بىتىرگەن. پروكۋراتۋرا ورگاندارىنداعى قىزمەتىن 2002 جىلى باستاعان.
ءار جىلدارى اقمولا مامانداندىرىلعان تابيعات قورعاۋ پروكۋرورىنىڭ ورىنباسارى, ەرەيمەنتاۋ جانە ساندىقتاۋ اۋداندارى پروكۋرورلارىنىڭ ورىنباسارى قىزمەتتەرىن اتقارعان. استراحان اۋدانىنىڭ پروكۋرورى بولعان. وسى ۋاقىتقا دەيىن بۋراباي اۋدانىنىڭ پروكۋرورى لاۋازىمىندا قىزمەت اتقارعان. پروكۋراتۋرا ورگاندارىندا 18 جىلدان استام قىزمەت ءوتىلى بار. سىنىپتىق شەنى-ادىلەت كەڭەسشىسى.
اسحات قابدۋشەۆ 1979 جىلى تۋعان. قر ءىىم قاراعاندى زاڭ ينستيتۋتىن «قۇقىقتانۋ» ماماندىعى بويىنشا بىتىرگەن. پروكۋراتۋرا ورگاندارىنداعى قىزمەتىن 2000 جىلى باستاعان. ءار جىلدارى اقمولا مامانداندىرىلعان پروكۋرورىنىڭ كومەكشىسى, اقمولا تابيعاتتى قورعاۋ پروكۋرورىنىڭ كومەكشىسى, جاقسى, ارشالى, زەرەندى اۋداندارى پروكۋرورلارىنىڭ ورىنباسارى قىزمەتتەرىن اتقارعان. ەرەيمەنتاۋ اۋدانىنىڭ پروكۋرورى بولعان. وسى ۋاقىتقا دەيىن ءبىرجان سال اۋدانىنىڭ پروكۋرورى قىزمەتىن اتقاردى. پروكۋراتۋرا ورگاندارىندا 20 جىلدان استام قىزمەت ءوتىلى بار. سىنىپتىق شەنى-ادىلەت كەڭەسشىسى.
سامات نۇرمانبەكوۆ 1977 جىلى تۋعان. «فەميدا» قاراعاندى زاڭ ينستيتۋتىن «قۇقىقتانۋ» ماماندىعى بويىنشا بىتىرگەن. پروكۋراتۋرا ورگاندارىنداعى قىزمەتىن 2003 جىلى باستاعان. ءار جىلدارى شورتاندى اۋدانى پروكۋرورىنىڭ ورىنباسارى قىزمەتىن اتقاردى. ەگىندىكول اۋدانىنىڭ پروكۋرورى بولعان. وسى ۋاقىتقا دەيىن ەسىل اۋدانىنىڭ پروكۋرورى قىزمەتىن اتقاردى. پروكۋراتۋرا ورگاندارىندا 17 جىلدان استام قىزمەت ءوتىلى بار. سىنىپتىق شەنى-ادىلەت كەڭەسشىسى.
باعدات شەرالى 1988 جىلى دۇنيەگە كەلگەن. قازاقستان رەسپۋبليكاسى ىشكى ىستەر مينيسترلىگى اكادەمياسىنىڭ زاڭ ينستيتۋتىن, ءال-فارابي اتىنداعى قازاق ۇلتتىق ۋنيۆەرسيتەتىن «قۇقىق قورعاۋ قىزمەتى», «قۇقىقتانۋ» ماماندىقتارى بويىنشا بىتىرگەن. پروكۋراتۋرا ورگاندارىنداعى قىزمەتىن 2014 جىلى باستاعان. نۇر-سۇلتان قالاسىنىڭ پروكۋراتۋرا ورگاندارىندا, قازاقستان رەسپۋبليكاسىنىڭ باس پروكۋراتۋراسىندا ءتۇرلى لاۋازىمداردا جۇمىس ىستەگەن. وسى ۋاقىتقا دەيىن قورعالجىن اۋدانىنىڭ پروكۋرورى قىزمەتىن اتقاردى. سىنىپتىق شەنى-كىشى ادىلەت كەڭەسشىسى.
جاندوس نۇرجانوۆ 1985 جىلى تۋعان. قازاق گۋمانيتارلىق زاڭ ۋنيۆەرسيتەتىن «قۇقىقتانۋ»ماماندىعى بويىنشا بىتىرگەن. پروكۋراتۋرا ورگاندارىنداعى قىزمەتىن 2010 جىلى باستاعان. قاراعاندى وبلىسىنىڭ پروكۋراتۋرا ورگاندارىندا, قازاقستان رەسپۋبليكاسىنىڭ باس پروكۋراتۋراسىندا ءتۇرلى لاۋازىمداردا جۇمىس ىستەگەن. وسى ۋاقىتقا دەيىن ستەپنوگورسك قالاسى پروكۋرورىنىڭ ورىنباسارى قىزمەتىن اتقاردى. سىنىپتىق شەنى-كىشى ادىلەت كەڭەسشىسى.