اقپاننىڭ اق بورانى تايىنشا اۋدانىندا دا قاتتى بولىپ, پەتروپاۆلدان كەلگەن 37 جاسار بالىقشىنى اداستىرىپ جىبەرگەن. ول ءوزىنىڭ ماكاشەۆ اۋىلىنىڭ تۇبىندەگى قۇندىكولدىڭ ماڭىندا اداسقانىن قالتافونمەن پوليتسياعا حابارلاپ ۇلگەرگەن.
ۋچاسكەلىك پوليتسيا ينسپەكتورى, اۋىل اكىمى, تج قىزمەتكەرلەرى, اۋىل تۇرعىندارى, قورىقشىلار بار - ءبارى جوعالعان ادامدى ىزدەۋدە كۇش جۇمىلدىرعان. سونىڭ ىشىندە اڭشىلىق شارۋاشىلىعىنىڭ باسشىسى قوبلان بەكمۋرزين ءوزىنىڭ «حيششنيك» ماركالى قار مەن قوپادا جۇرەتىن كولىگىمەن اداسقان ادامدى تاڭعى ساعات ءتورت كەزىندە تاپقان. بالىقشى ۇسۋدەن امان, اۋىلعا جەتكىزىلدى, قازىر ونىڭ ومىرىنە ەش قاۋىپ جوق.