شىمكەنت قالاسىنداعى «قاراسۋ» شاعىناۋدانى «وتباسى» اللەياسىن اباتتاندىرۋ بويىنشا ەسكيز جوبا ازىرلەندى. قۇرىلىس جۇمىستارىن جۇرگىزۋ ءۇشىن الداعى ۋاقىتتا سمەتالىق قۇجاتتاما ازىرلەنىپ, قارجى قارالعان جاعدايدا اباتتاندىرۋ جۇمىستارى اتقارىلادى, دەپ حابارلايدى Egemen.kz.
وتباسى اللەياسىنىڭ جانىنداعى يتتەرگە ارنالعان الاڭدى اباتتاندىرۋ بويىنشا ەسكيز ازىرلەۋ جۇمىستارى جۇرگىزىلۋدە. اتالعان ورىن ءال-فارابي اۋدانى اكىمى اپپاراتىنىڭ مەنشىگىندە. الداعى ۋاقىتتا سمەتالىق قۇجاتتاما دايىندالىپ, قارجى قارالعان جاعدايدا اباتتاندىرۋ جۇمىستارى قولعا الىنادى.
اتالعان يت ويناق جەرىنىڭ كولەمى – 1538 شارشى مەتر. وندا كۇندەلىكتى شامامەن 30-35 تۇرعىن يتتەرىمەن سەرۋەندەيدى. جانە اۋماعىندا 21 كوپقاباتتى تۇرعىن ءۇي ورنالاسقان.
قالا اكىمى مۇرات ايتەنوۆ وتباسى اللەياسىن اباتتاندىرۋ ارقىلى «قاراسۋ» شاعىناۋدانى تۇرعىندارىنىڭ سەرۋەندەۋىنە قولايلى ورتا قالىپتاساتىنىن ايتتى.