ءىس-شارا بارىسىندا جەرگىلىكتى اتقارۋشى ورگانداردىڭ ادەپ جونىندەگى ۋاكىلدەرىنىڭ 2020 جىلعى جۇمىس قورىتىندىلارى تۋرالى اقمولا وبلىسى اكىمى اپپاراتىنىڭ ادەپ جونىندەگى ۋاكىلى ايناگۇل ءجانادىلوۆا حاباردار ەتتى, ونىڭ ايتۋىنشا ەسەپتىك كەزەڭدە 554 ادامعا, ونىڭ ىشىندە مەملەكەتتىك قىزمەتشىلەرگە جەكە كونسۋلتاتيۆتىك كومەك كورسەتىلگەنىن, 172 ازاماتتاردى جەكە قابىلداۋ ۇيىمداستىرىلعانىن, 11 مەملەكەتتىك قىزمەتشىنىڭ بۇزىلعان قۇقىقتارى مەن زاڭدى مۇددەلەرى قالپىنا كەلتىرىلگەنىن اتاپ ءوتتى. مورالدىق پسيحولوگيالىق احۋالدىڭ جاي-كۇيىن زەردەلەۋ ماقساتىندا 3000-نان استام مەملەكەتتىك قىزمەتشىنى قامتي وتىرىپ, بىرنەشە رەت جاسىرىن ساۋالناما جۇرگىزىلدى.
دەپارتامەنتتىڭ مەملەكەتتىك قىزمەت سالاسىنداعى باقىلاۋ باسقارماسىنىڭ باسشىسى قايىرجان سۇلتانعازيەۆ مەملەكەتتىك قىزمەتشىلەردىڭ جاۋاپكەرشىلىگىن كۇشەيتۋ ماقساتىندا قولدانىستاعى زاڭناماعا ەنگىزىلگەن وزگەرىستەر تۋرالى حاباردار ەتتى. سونداي-اق, ونىڭ اقپاراتى بويىنشا, دەپارتامەنت جۇمىسىنداعى ماڭىزدى باسىمدىقتاردىڭ ءبىرى ازاماتتاردىڭ قۇقىقتارىن قورعاۋ بولىپ تابىلادى. مىسالى, وتكەن جىلدىڭ قورىتىندىسى بويىنشا 30-دان استام ازاماتتار مەن مەملەكەتتىك قىزمەتشىلەردىڭ قۇقىقتارى قالپىنا كەلتىرىلدى.
«ادەپ جونىندەگى ۋاكىلدەر وزدەرىنە جۇكتەلگەن فۋنكتسيالارمەن شەكتەلمەي, وزدەرىنىڭ جەكە قارىم - قاتىناستارىمەن ۇجىمدا قولايلى جاعداي قالىپتاستىرۋعا ىقپال ەتەدى, ولاردىڭ كوپشىلىگى ءوز ارىپتەستەرى ءۇشىن تالىمگەر, پسيحولوگ, مەدياتور ءرولىن اتقارادى» - دەپ اتاپ ءوتتى ءىس-شاراعا قاتىسۋشىلار.
بۇگىنگى تاڭدا مادەني مۇرا مادەنيەتتى ارتتىرۋدا, ەتيكالىق قاعيداتتار مەن نورمالاردى قالىپتاستىرۋدا, سونداي-اق مەملەكەتتىك قىزمەتشىلەردىڭ جاعىمدى مورالدىق-پسيحولوگيالىق بەينەسىن قالىپتاستىرۋدا ماڭىزدى ءرول اتقارادى. وسىعان بايلانىستى اتالعان ءىس-شاراعا اقمولا وبلىسىنىڭ تاريحي-مادەني مۇرانى قورعاۋ جانە پايدالانۋ ورتالىعىنىڭ باس ينسپەكتورى گ ۇلىم راحىمجانوۆا شاقىرىلىپ, «تاريحي – مادەني مۇرا-حالىق يگىلىگى» تاقىرىبىندا بايانداما جاسادى.