بىلىكتى تامىر حيرۋرگى, فلەبولوگ تالعات سارتاەۆ شىمكەنتتە تامىر حيرۋرگياسىندا سوڭعى ۇلگىدەگى ەمدەۋ ءادىسىن العاش ەنگىزگەن دارىگەر. ول ناۋقاستارعا 20 مينۋت ىشىندە وتا جاساپ, وڭ ناتيجەگە قول جەتكىزگەن, دەپ جازادى Egemen.kz
جوعارعى دارەجەلى دارىگەر قازىرگى تاڭدا رەسەي فەدەراتسياسى فلەبولوگتار اسسوساتسياسىنىڭ مۇشەسى. 30 جىلدان بەرى وسى سالادا ىزدەنىپ, ەڭبەكتەنىپ كەلەدى. فلەبولوگ مامانى ءوز ءبىلىمىن گرەتسيا, لاتۆيا ەلدەرىندە جەتىلدىرىپ كەلگەن.
دارىگەرگە ەلىمىزدىڭ وزگە وڭىرلەرىنەن بولەك, شەتەلدىك ناۋقاستار ىزدەپ كەلەدى. تاياۋدا ەستونيادان كەلگەن ناۋقاسقا وتا جاساپ, قازاقستاندا مەديتسينالىق مامانداردىڭ بىلىكتىلىگى جوعارى ەكەنىن تاعى ايقىندادى.
حالىق ىقىلاسىنا بولەنگەن, اۋىر ناۋقاستاردى ەمدەۋ ادىسىنە جاڭا تەحنولوگيالاردى ەنگىزگەن تالعات ءسابيت ۇلىنىڭ ەسەلى ەڭبەكتەرى ەلەنىپ, وسى ۋاقىتقا دەيىن بىرنەشە رەت مەملەكەتتىك ناگرادامەن ماراپاتتالعان.