شىمكەنت قالاسىنىڭ اكىمى مۇرات ايتەنوۆ مەگاپوليستەگى ينجەنەرلىك ينفراقۇرىلىم جۇيەلەرىن دامىتۋ بويىنشا اتقارىلىپ جاتقان جۇمىستاردى قاداعالاۋ ماقساتىندا قۇرىلىسى ءجۇرىپ جاتقان 110 كۆ قورەكتەندىرۋ جەلىسى بار «1-م-1» قوسالقى ستانساسىنىڭ جۇمىسىمەن تانىستى, دەپ حابارلايدى Egemen.kz
قالا اكىمىنە جاۋاپتى ماماندار «اسار-2», «دوستىق» شاعىناۋداندارى مەن «قاينار بۇلاق», «سولتۇستىك ساياجاي» تۇرعىن الاپتاردىڭ ينفراقۇرىلىمىن دامىتۋ بويىنشا ناقتى اتقارىلعان ىستەر مەن الداعى جوسپارلاردى باياندادى.
مامانداردىڭ ايتۋىنشا, 11 مىڭ تۇرعىنى بار اسار-2 شاعىن اۋدانىن ساپالى ەلەكتر قۋاتىمەن قامتۋ ماقساتىندا جۇرگىزىلگەن قۇرىلىس جۇمىستارى تولىعىمەن اياقتالعان. الايدا, شاعىن اۋداندا جاڭادان سالىنىپ جاتقان ەلەكتر جۇيەلەرىنىڭ قوسىلۋ كوزى بولىپ تابىلاتىن «1-م-1» ستانساسىنىڭ قۇرىلىسى جۇرۋدە. وسى جىلدىڭ II توقسانىندا قۇرىلىسى بىتسە, شاعىن اۋدان ساپالى ەلەكتر قۋاتىمەن قامتىلاتىن بولادى.
ال «دوستىق» شاعىن اۋدان تۇرعىندارىن ساپالى اۋىز سۋ جۇيەسىمەن قامتاماسىز ەتۋ ماقساتىندا جۇرگىزىلگەن قۇرىلىس جۇمىستارى دا بۇگىندە تولىعىمەن اياقتالعان. قازىرگى تاڭدا سۋ ەسەپتەگىش قۇرالدارىن ورناتۋ جۇمىستارى جۇرگىزىلۋدە. ابونەنتتەۋ جۇمىستارى ناۋرىز ايىنىڭ سوڭىندا اياقتالىپ, ناتيجەسىندە, شاعىن اۋدان ۇزدىكسىز ساپالى اۋىز سۋمەن قامتىلاتىن بولادى. اتالعان شاعىن اۋدانداعى تابيعي گاز قۇرىلىسىنىڭ جۇمىستارى وسى جىلدىڭ قازان ايىندا اياقتالىپ, پايدالانۋعا تاپسىرىلادى.
بۇدان بولەك, سالا ماماندارى قاي̆ناربۇلاق پەن سولتۇستىك ساياجاي-2 تۇرعىن الاپتارىنداعى تابيعي گاز اۋىزسۋ مەن ەلەكتر جۇي̆ەسىمەن قامتاماسىز ەتۋ ماسەلەسىن شەشۋ جولدارىن ايتتى.
قالادا ينجەنەرلىك ينفراقۇرىلىم وزەكتى ماسەلە ەكەنىن ايتقان قالا اكىمى جاۋاپتى سالا باسشىلارىنا بۇل باعىتتاعى جۇمىستاردى كۇن تارتىبىنەن تۇسىرمەي قاراۋدى تاپسىردى.
سونىمەن قاتار قالا اكىمى كوممۋنالدىق-شارۋاشىلىق, جالپى قۇرىلىس سالاسىندا مامانداردى سىرتتان ەمەس, جەرگىلىكتى كادرلارمەن جاساقتاۋ, جەرگىلىكتى تۇرعىنداردى وسى سالاعا كوپتەپ تارتۋ كەرەك ەكەنىن ايتتى. سونداي-اق ءوز ماماندارىمىزعا سەنىم ارتۋمەن قاتار ولارعا جاعداي جاساۋدىڭ ماڭىزدىلىعىنا توقتالىپ ءوتتى.