ۋسپەن اۋىلىنىڭ تۇرعىنى ۇلىنىڭ ادەپسىزدىگىنە شاعىمداندى, دەپ حابارلايدى Egemen.kz Pavlodarnews.kz سايتىنا سىلتەمە جاساپ.
«تۇرمىس» جەدەل-الدىن الۋ ءىس-شاراسى بارىسىندا پاۆلودار وبلىسى ۋسپەن اۋدانىنىڭ پوليتسيا ءبولىمىنىڭ ۋچاسكەلىك پوليتسيا ينسپەكتورى وتباسىلىق-تۇرمىستىق سالاداعى بۇزۋشىلىق فاكتىسىن انىقتادى.
- اۋلانى ارالاۋ كەزىندە ۋسپەن اۋىلىنىڭ تۇرعىنى پوليتسەيگە ءوزىنىڭ 35 جاسار ۇلىنىڭ مىنەز-قۇلقىنا شاعىمداندى. ول اناسىن دورەكى سويلەپ, بالاعات سوزدەر ايتادى. بۇل ازامات اتالعان فاكتى بويىنشا قايتادان جاۋاپقا تارتىلىپ جاتىر, - دەدى پاۆلودار وبلىسى ۋسپەن اۋدانىنىڭ پوليتسيا ءبولىمى باسشىسىنىڭ ءبىرىنشى ورىنباسارى اسەت سادىقوۆ.وسىعان بايلانىستى پوليتسيا قىزمەتكەرلەرى ەر ادامعا قاتىستى قر اقبك 73-بابىنىڭ 2-بولىگى بويىنشا اكىمشىلىك حاتتاما تولتىردى. سونداي-اق قۇقىق بۇزۋشىنىڭ مىنەز-قۇلقىنا سوت بەلگىلەگەن ەرەكشە تالاپتاردى بۇزعانى ءۇشىن قر اقبك 669-بابى بويىنشا اكىمشىلىك جاۋاپكەرشىلىككە تارتىلدى.