«112» باسقارۋ پۋلتىنە 2021 جىلدىڭ 13 اقپانىندا ساعات 14.43-تە ەڭبەكشى اۋدانى قاپال باتىر تاس جولىنىڭ 5 شاقىرىمىندا ورنالاسقان «ورداباسى» يندۋستريالدىق ايماعىنان حابارلاما كەلىپ ءتۇستى, دەپ حابارلايدى Egemen.kz
يندۋستريالدىق ايماق اۋماعىندا 5 قاباتتى عيماراتتا 625 شاقىرىم مەتر الاڭدا 5-ءشى قاباتتىڭ تەمىر-بەتون پليتالارىنىڭ جابىندىسى ءىشىنارا بۇزىلدى, عيمارات جۇمىس ىستەمەيدى, جالپى اۋدانى 2000 شاقىرىم مەتر قۇرايدى.
وقيعا ورنىندا اۆاريالىق-قۇتقارۋ جۇمىستارىنا جەدەل-قۇتقارۋ جاساعىنىڭ قۇتقارۋشىلارى, 1 كينولوگيالىق ەسەپ جۇمىلدىرىلدى. كينولوگيالىق ەسەپتىڭ كومەگىمەن ۇيىندىلەردىڭ استىنان 1967, 1992 جانە 1999 جىلى تۋعان 3 ەر ادامنىڭ دەنەسى تابىلدى.
جالپى شىمكەنت قالاسى تج دەپارتامەنتىنىڭ 18 قىزمەتكەرى مەن 1 كينولوگيالىق ەسەبى, اپاتتار مەديتسيناسى ورتالىعى فيليالىنىڭ 1 بريگاداسى جۇمىلدىرىلدى.