سەمەي قالاسىندا ءجاسوسپىرىم جۇك كولىگىنىڭ استىنا ءتۇستى, دەپ حابارلايدى Egemen.kz
شىعىس قازاقستان وبلىستىق پوليتسيا دەپارتامەنتى ءباسپاسوز قىزمەتىنىڭ مالىمەتىنشە, جول-كولىك وقيعاسى 13 اقپاندا ساعات 16:40 شاماسىندا بولعان. جۇك تيەلگەن كاماز-دى تىركەمەسىمەن سۇيرەپ بارا جاتقان Shasman جۇك كولىگىنىڭ جۇرگىزۋشىسى گلۋنكي كوشەسىنەن اينالما جولعا شىعا بەرگەندە «كوكتەم» ساۋدا ءۇيىنىڭ جانىنداعى جاياۋ جۇرگىنشىلەر جولاعىنان ءوتىپ بارا جاتقان ادامدى قاعىپ كەتتى. سەمەي قالاسىنىڭ 16 جاستاعى تۇرعىنى وقيعا ورنىندا ءتىل تارتپاستان قايتىس بولعان.
«قازىرگى ۋاقىتتا وقيعا ورنىندا پوليتسيا قىزمەتكەرلەرى جۇمىس ىستەپ جاتىر. بىرقاتار ساراپتامالار تاعايىندالدى. سونىڭ ناتيجەلەرى بويىنشا پروتسەسسۋالدىق شەشىم قابىلدانادى», دەدى شقو پد باستىعى ساعات ماديەۆ.