ەرتەڭنەن باستاپ ازاماتتار جۇرگىزۋشى كۋالىگى مەن كولىكتى تىركەۋ قۇجاتىن وزدەرىمەن الىپ جۇرمەسە دە بولادى. ءتيىستى زاڭعا مەملەكەت باسشىسى 1-ءشى اقپاندا قول قويعان بولاتىن. قۇجات ەرتەڭ كۇشىنە ەنەدى.
جول ساقشىلارى جۇرگىزۋشىنىڭ جەكە كۋالىگى ارقىلى بارلىق مالىمەتتەردى ەلەكتروندى بازادان تەكسەرە الادى. اتالعان قۇجاتتار بولماسا دا, اكىمشىلىك ايىپپۇل سالىنبايدى.
- «جول ءجۇرىسى تۋرالى» زاڭنىڭ 54-بابىنان جۇرگىزۋشى كۋالىگى مەن تەحپاسپورتتى كورسەتۋ مىندەتى الىنىپ تاستالدى. قابىلدانعان تۇزەتۋلەر شەتەلدىك مەملەكەتتىك نومىرلەرى بار اۆتوماشينالارعا, سونداي-اق قازاقستاننان تىس جەرلەردە جۇرگىزۋشى كۋالىگىن العان ادامدارعا قاتىستى ەمەس. ولار ءۇشىن جۇرگىزۋشى كۋالىگىن جانە تەحپاسپورتتى كورسەتۋ مىندەتتى بولىپ قالادى, - دەدى قىزىلوردا وپد اكىمشىلىك پوليتسيا باسقارماسىنىڭ باستىعى نۇرماحان پازىلوۆ.
بۇدان بولەك, قازاقستاندا 10 جىلدان اسقان اۆتوبۋستاردى باستاپقى تىركەۋگە تىيىم سالىنباق. جاڭا نورما 2022 جىلعى 1 قاڭتاردان باستاپ ەنگىزىلەدى. بۇل وزگەرىس جۇرگىزۋشى ورنىنان باسقا 8 ورىندىقتان اساتىن اۆتوبۋستاردىڭ بارلىعىنا ورتاق.