جاپونيا قازاقستاندا تسيفرلاندىرۋ جولارىنا 150 ملن دوللار ينۆەستيتسيا سالماق

قازاقستاننىڭ جاپونياداعى ەلشىلىگىندە جاپوندىق «Japan DX» جانە «Land Management Co. Ltd» كومپانيالارى اراسىندا قازاقستان ەكونوميكاسىنا 150 ملن.اقش دوللارى كولەمىندە ينۆەستيتسيا سالۋ جونىندەگى كەلىسىمگە قول قويىلدى.

تاراپتار اقپاراتتىق-كوممۋنيكاتسيالىق ينفراقۇرىلىم سالاسىنداعى جوبالاردى ىسكە اسىرۋمەن اينالىساتىن «Japan DX KZ» بىرلەسكەن كومپانياسىن قۇرۋ تۋرالى ۋاعدالاستىققا قول جەتكىزدى.

قازاقستان ەلشىسى ەرلان باۋداربەك-قوجاتاەۆتىڭ ايتۋىنشا, قازاقستان ەكونوميكاسىن تسيفرلىق ترانسفورماتسيالاۋعا جاپوندىق كومپانيالاردى تارتۋ الدىڭعى قاتارلى جاپوندىق تسيفرلىق تەحنولوگيالاردى ەنگىزۋگە باعىتتالعان.«Japan DX KZ» اقپاراتقا ۇزدىكسىز قول جەتكىزۋگە جانە كيبەر قاۋىپسىزدىكتى قامتاماسىز ەتۋگە مۇمكىندىك بەرەتىن دەرەكتەردى ساقتاۋعا جانە وڭدەۋگە ارنالعان داتا-ورتالىقتى قازاقستاندا سالۋدى جوسپارلاۋدا.

«استانا» حالىقارالىق قارجى ورتالىعىنىڭ نەگىزىندە «Japan DX KZ» كومپانياسى ءداستۇرلى اكتسيالاردىڭ نەمەسە مەنشىك قۇقىقتارىنىڭ انالوگى بولىپ تابىلاتىن قاۋىپسىزدىك توكەندەرىن شىعارۋ ەسەبىنەن ينۆەستيتسيالىق جوبالاردى ىسكە اسىرۋ ءۇشىن تسيفرلىق پلاتفورما قۇرۋعا ينۆەستيتسيا سالادى.

بلوكچەين تەحنولوگياسى نەگىزىندە اكتيۆكە قۇقىقتى تسيفرلىق توكەنگە اۋىستىرۋ ۇدەرىسى قازاقستان اۋماعىنداعى ينۆەستيتسيالىق جوبالاردى تىكەلەي جاپونيا ينۆەستورلارىنا ۇسىنۋعا مۇمكىندىك بەرەدى.

الدىڭعى ۋاقىتتى ەكونوميكانى «دەكوربانيزاتسيا» ستراتەگياسى اياسىندا «Japan DX KZ» جەل ەلەكتر ستانتسيالارىن سالۋعا, سونداي-اق ىلەسپە گازدان ەلەكتر ەنەرگياسىن وندىرۋگە ينۆەستيتسيا سالۋعا نيەتتى.

«Japan DX» كومپانياسىنىڭ توراعاسى سودجي سۋزۋكيدىڭ ايتۋىنشا, قازاقستاندا, ونىڭ ىشىندە احقو الاڭىندا قولايلى قۇقىقتىق رەجيم قۇرىلعانى وزىق تەحنولوگيالاردى ەنگىزۋ مەن ىلگەرىلەتۋدە مۇمكىندىك بەرەدى.«Japan DX» جانە «Land Management Co. Ltd» كومپانيالارىنىڭ دەلەگاتسياسى 2021 ج. ناۋرىزدا جوبانى ىسكە اسىرۋ ماسەلەلەرىن تالقىلاۋ ءۇشىن قازاقستانعا ساپار جاساۋدى جوسپارلاپ وتىر.

2020 جىلدىڭ 25 ماۋسىمىنداعى № 347-VI «تسيفرلىق تەحنولوگيالاردى رەتتەۋ ماسەلەلەرى بويىنشا قر زاڭنامالىق اكتىلەرىنە وزگەرىستەر ەنگىزۋ تۋرالى» زاڭعا سايكەس, قر زاڭناماسىنا تسيفرلىق اكتيۆتەر ۇعىمى ەنگىزىلدى, سونداي-اق ولاردىڭ اينالىمىنىڭ قۇقىقتىق رەجيمى بەلگىلەندى.