قر اقپارات جانە قوعامدىق دامۋ مينيسترلىگى «وتانداستار قورىنىڭ» باستاماسى بويىنشا قازاق راديوسىنان «Qandastar» جاڭا باعدارلاماسى ەفيرگە شىقتى, دەپ حابارلايدى Egemen.kz
2021 جىلعى 9 اقپاندا راديوباعدارلامانىڭ العاشقى شىعارىلىمى ءوتتى.باعدارلامانىڭ ءبىرىنشى شىعارىلىمى شەتەلدە تۇراتىن جانە تاريحي وتانىنا ورالۋدى جوسپارلاپ وتىرعان قازاق ۇلتىنىڭ وكىلدەرى ءۇشىن وزەكتى ماسەلەلەرگە ارنالدى.
باعدارلاما بارىسىندا كارانتيندىك شارالارعا بايلانىستى قىتايدان كەلگەن قانداستارىمىزدىڭ مەملەكەتتىك شەكارانى ءوتۋ سۇراعىنا بايلانىستى, الەمنىڭ 12 ەلىنىڭ 24 ءىرى قالاسىندا قازاق ءتىلىن ۇيرەنۋ بويىنشا 31 سىنىپتى اشۋ, 2020 جىلى العاش رەت ونلاين-فورماتتا وتكەن ۇبت, شەت ەلدەردە «Abai uii» مادەني-ىسكەرلىك ۇيلەرىنىڭ اشىلۋى جانە باسقا دا ماسەلەلەر تالقىلاندى.
باعدارلاما اياسىندا قازاقستانداعى جانە باسقا ەلدەردە تۇراتىن قانداستارعا ارنالعان ءتۇرلى جوبالار تۋرالى اقپاراتتىق حابارلامالار شىعادى دەپ جوسپارلانۋدا.
بۇدان باسقا, باعدارلاما فورماتى كوشى-قونعا, قۇجاتتاردى رەسىمدەۋگە, كۆوتالار مەن شەتەلدە تۇراتىن قانداستار ءۇشىن وزەكتى باسقا دا تاقىرىپتارعا بايلانىستى ماسەلەلەردى شەشۋ بويىنشا تالقىلاۋ جۇرگىزۋگە مۇمكىندىك بەرەدى. جوبا ءار سەيسەنبى سايىن نۇر-سۇلتان ۋاقىتى بويىنشا ساعات 11.15-تە اۋە تولقىنىنا شىعادى. تىكەلەي ەفير ءنومىرى: 8 (717) 2-75-72-75.
باعدارلاما جۇرگىزۋشىسى - جۋرناليست ەركىن بايعابىل ۇلى.