جۇرگىزۋشى كۋالىگى نەمەسە كولىكتىڭ تەحنيكالىق قۇجاتىن ۇيدە تاستاپ كەتكەنى ءۇشىن سالىنعان ايىپپۇلدار جويىلادى, دەپ حابارلايدى Egemen.kz "حابار 24" ارناسىنا سىلتەمە جاساپ.
بۇل تۋرالى نۇر-سۇلتان قالاسى پوليتسيا دەپارتامەنتىنىڭ ءباسپاسوز قىزمەتى جاريالادى. ولاردىڭ مۇنداي شەشىم شىعارۋىنا جاڭا زاڭ اسەر ەتىپ وتىر. ياعني 13 اقپاننان باستاپ اتالعان قۇجاتتاردى جۇرگىزۋشىلەردىڭ وزىمەن بىرگە الىپ ءجۇرۋى مىندەتتى ەمەس. سايكەسىنشە, بۇعان دەيىنگى زاڭ دا كۇشىن جويادى. ال ايىپپۇلدار جويىلۋ ءۇشىن جۇرگىزۋشى پوليتسيا دەپارتامەنتىنە بارىپ, ءوتىنىش جازۋ كەرەك.