مۇرات ايتەنوۆ قوناەۆ داڭعىلى جالعاسىنىڭ قۇرىلىسىمەن تانىستى

شىمكەنت قالاسىندا قوناەۆ داڭعىلى جالعاسىنىڭ قۇرىلىسى جۇرگىزىلۋدە. اتالعان نىسان جالپى 18,1 شاقىرىم 7 ۋچاسكەدەن تۇرادى. جالپى قۇنى – 36 ملرد.تەڭگە. شىمكەنت قالاسىنىڭ اكىمى مۇرات ايتەنوۆ قۇرىلىس نىسانىنىڭ II III V كەزەڭدەرى بويىنشا جۇرگىزىلىپ جاتقان جۇمىس بارىسىن پىسىقتادى.

قۇرىلىستىڭ 2 - كەزەڭى بويىنشا 2021 جىلعا 5,3 ملرد تەڭگە قارالىپ, بۇگىنگى تاڭدا مەملەكەتتىك ساتىپ الۋ كونكۋرسى وتكىزىلۋدە. نىساننىڭ جالپى قۇنى – 5,4 ملرد تەڭگە, ۇزىندىعى – 1,7 شاقىرىم. 

قۇرىلىس كەزەڭدەرىن باستان-اياق جاياۋ ءجۇرىپ, ارالاعان شاھار باسشىسى جاۋاپتى ازاماتتارعا بىرقاتار تاپسىرمالار جۇكتەدى.

  – بۇل – وتە ماڭىزدى جوبا. جۇمىس تا اۋقىمدى. ەندى جەر تەلىمدەرىن تەزىرەك مەملەكەت مۇقتاجدىعىنا قايتارىپ, ءىرى تەحنيكالاردىڭ جۇمىس ىستەۋىنە مۇمكىندىك جاساۋ كەرەك. قۇرىلىستىڭ قارقىندى ءجۇرۋى ءۇشىن ءار ەكى اپتادا ءبىر رەت جۇمىس بارىسىن وسىلاي پىسىقتاپ وتىرامىن. ستراتەگيالىق ماڭىزدى نىساندا جۇمىس قارقىنىن كۇشەيتىپ, ءبىر كۇن دە جوعالتپاۋىمىز كەرەك, - دەدى قالا اكىمى. 

سونداي-اق, مۇرات دۇيسەنبەك ۇلى قالالىق جولاۋشىلار كولىگى جانە اۆتوموبيل جولدارى باسقارماسىنىڭ باسشىسىنا جۇمىستى جەدەلدەتۋ امالدارىن ويلاستىرىپ, بۇل باعىتتا بارلىق قولايلى جاعداي جاساۋدى مىندەتتەدى.

ەكىنشى كەزەڭدە مەملەكەتتىك مۇقتاجدىققا 89 ۋچاسكەنى الۋ قاجەت. ونىڭ ىشىندە, بۇگىندە 16-ى قايتارىلدى. 41 نىسان بويىنشا مەنشىك يەلەرىنە وتەماقى ۇسىنىلۋدا, 32 نىسان باعالانۋدا (شامامەن 1,7 ملرد.تەڭگە).

ايتا كەتسەك, قوناەۆ داڭعىلى جالعاسىنىڭ قۇرىلىسى بويىنشا 2021 جىلعا 10,3 ملرد تەڭگە قاراستىرىلعان. اتالعان كەزەڭدەردە 360 ۋچاسكەنى مەملەكەتتىك مۇقتاجدىققا الۋ قاجەتتىلىگى تۋىنداۋدا.