قر مەملەكەتتىك قىزمەت ىستەرى اگەنتتىگىنىڭ توراعاسى انار جايىلعانوۆا قاراماعىنداعى قىزمەتكەر ءۇشىن قانشا باسشىنىڭ جاۋاپقا تارتىلعانىن ايتىپ بەردى, دەپ حابارلايدى Egemen.kz
اگەنتتىك قول استىنداعى قىزمەتكەردىڭ سىبايلاس جەمقورلىق قىلمىسى ءۇشىن ءبىرىنشى باسشىلاردىڭ جاۋاپقا تارتىلۋىن قاداعالايدى جانە پرەزيدەنت اكىمشىلىگىنە توقسان سايىن اقپار بەرەدى. «جاڭا ەرەجە ەنگىزىلگەن ساتتەن باستاپ (2019 جىلعى جەلتوقساننان بەرى) مەملەكەتتىك ورگاندار مەن ۇيىمداردىڭ 86 باسشىسى تارتىپتىك جاۋاپقا تارتىلدى, ونىڭ ىشىندە 4 ساياسي مەملەكەتتىك قىزمەتشى وتستاۆكاعا كەتتى», دەدى انار جايىلعانوۆا قر مەملەكەتتىك قىزمەت ىستەرى اگەنتتىگىنىڭ القا وتىرىسىندا.
ۆەدومستۆودا اتاپ وتكەندەي, 13 ساياسي مەملەكەتتىك قىزمەتشى, 33 اكىمشىلىك, 25 قۇقىق قورعاۋ ورگاندارىنىڭ قىزمەتكەرى, 15 كۆازيمەملەكەتتىك سەكتور جانە جاو ۆەدومستۆولىق باعىنىشتى ۇيىمداردىڭ قىزمەتكەرلەرى جاۋاپكەرشىلىككە تارتىلعان.
«اۋماقتىق بولىمشەلەردە بۇل ماسەلەدە پرينتسيپتىك ۇستانىم بولۋى ءتيىس. قاجەتتى شارالاردى ۋاقتىلى قابىلداي وتىرىپ, بارلىق جەرگىلىكتى جانە ورتالىق مەملەكەتتىك ورگانداردىڭ اۋماقتىق بولىمشەلەرىنە مونيتورينگ جاساۋ قاجەت», دەپ اتاپ ءوتتى انار جايىلعانوۆا.