قاراعاندىدا قاراقشىلار قالاداعى شاعىن نەسيە ۇيىمدارىنىڭ ءبىرىنىڭ كاسسيرىنە شابۋىل جاساپ, ۇستىنە بەنزين قۇيىپ, جاعامىز دەپ قورقىتقان, دەپ حابارلايدى Egemen.kz
9 اقپاندا ساعات 16.00-دە قاراعاندىدا ميكرونەسيەلىك ۇيىمداردىڭ ءبىرىنىڭ ءۇي-جايىندا بەلگىسىز ەكى ادام 28 جاستاعى ايەل كاسسيرگە بەنزين قۇيىپ جىبەرگەن. قاراقشىلار 120 مىڭ تەڭگە سوماسىنداعى اقشانى يەمدەنگەن.
«اتالعان فاكتى بويىنشا قر قك 192-بابى «قاراقشىلىق» بويىنشا قىلمىستىق ءىس تىركەلدى. كۇدىكتىلەردى انىقتاۋ جانە ۇستاۋ ءۇشىن پوليتسيا دەپارتامەنتى اپپاراتىنىڭ ەڭ تاجىريبەلى قىزمەتكەرلەرىنەن جەدەل توپ قۇرىلدى», دەپ حابارلادى قاراعاندى وبلىسى پد ءباسپاسوز قىزمەتى.