قوستاناي وبلىسىندا تىك ىشەگىنە «گاشيش» سالىپ, تەرگەۋ يزولياتورىنا كىرمەك بولعان سوتتالۋشى ۇستالدى, دەپ حابارلايدى Egemen.kz قىلمىستىق اتقارۋ جۇيەسى وبلىستىق دەپارتامەنتىنە سىلتەمە جاساپ.
«دەپارتامەنت قىزمەتكەرلەرى سوتتالعان ادامدى ۋاقىتشا ۇستاۋ يزولياتورىنا اكەلگەن. رەنتگەننەن ءوتۋ كەزىندە سوتتالعان ازاماتتىڭ دەنەسىنىڭ تومەنگى بولىگىندە كۇدىكتى زات بايقالىپ, ونى تولىق تەكسەرۋ تۋرالى شەشىم قابىلداندى. تەكسەرۋدەن كەيىن ول تىك ىشەگىنە سالماعى 4 گرامم بولاتىن گاشيش تۇيىنشەگىن سالىپ العانى انىقتالدى», دەيدى دەپ اتاپ ءوتتى قوستاناي وبلىسى بويىنشا قاج دەپارتامەنتىنىڭ باستىعى اباي قايىربەكوۆ.
سوتتالعان ازامات ەسىرتكىنى مەكەمە اۋماعىنا كىرگىزگىسى كەلگەنىن بىردەن مويىندادى. الايدا, تەرگەۋ يزولياتورىندا وعان تىيىم سالىنعان زاتتاردىڭ بار-جوعى تۋرالى سۇراق قويىلعان. قازىر اتالعان فاكتى بويىنشا العاشقى ماتەريال جينالىپ, ەرەجە بۇزۋشىلىق تۋرالى جۋرنالعا تىركەلدى. ول قر قك 296-بابىنىڭ 2-بولىگى «ەسىرتكى, پسيحوتروپتىق زاتتارمەن, سول تەكتەستەرمەن زاڭسىز جۇمىس ىستەۋ» بابى بويىنشا جاۋاپقا تارتىلادى.
دەپارتامەنت مالىمەتىنشە سوتتالعاندار تىيىم سالىنعان زاتتاردى الىپ جۇرگەنى ءۇشىن 10 اەك مولشەرىندە ايىپپۇل ارقالايدى. بىلتىر وڭىردە مۇنداي 6 فاكتى تىركەلدى.