Apple نوۋتبۋكتەرى ءوز يەلەرىنە قارسى تىڭشىلىق قۇرالىنا اينالۋى مۇمكىن. بۇل تۋرالى Segodnya.ua حابارلادى.
«Washington Post» جۋرنالى ستيۆەن چەكوۆەيا مەن مەتتيۋ بروكەر ەسىمدى زەرتتەۋشىلەردىڭ بايانداماسىنا سۇيەنە وتىرىپ, 2009 جىلعا دەيىنگى iMAC پەن MacBook كومپيۋتەرلەرىنە ورناتىلعان ۆەب-كامەرالاردىڭ جاسىرىن تۇردە بەينەجازبا مەن فوتو تۇسىرە الاتىندىعى جايىندا جازدى.
كوپتەگەن كومپيۋتەرلەردە ۆەب-كامەرانىڭ جۇمىس ىستەپ تۇرعانىن كورسەتەتىن ديود جارىعى بولادى. زەرتتەۋشىلەر ولاردى كامەرانىڭ ميكروباقىلاعىشىن قايتا ەنگىزۋ ارقىلى وشىرۋگە بولاتىنىن انىقتادى. ولاردىڭ ويىنشا, ديود جارىعى جۇمىس ىستەمەي تۇرعاندا, كامەرا يەسىنە بىلدىرمەي فوتو نەمەسە بەينەباقىلاۋ جۇرگىزە الادى. بۇعان دالەل رەتىندە ستيۆەن چەكوۆەيا مەن مەتتيۋ بروكەر «iSeeYou» باعدارلاماسىن جاساپ شىعاردى. ول باعدارلاما كامەراعا ديود جارىعىن جاقپاي-اق فوتو نەمەسە بەينەجازبا تۇسىرۋگە مۇمكىندىك بەرەدى.
ايدار ورىسباەۆ.
دەرەككوز: Segodnya.ua
فوتو: Wikipedia.org