شىمكەنت قالاسىنداعى ونكولوگيالىق ورتالىقتا قاتەرلى ىسىكتى ەرتە ساتىسىندا انىقتايتىن تەڭدەسى جوق قۇرىلعى ورناتىلماق. زاماناۋي پوزيتروندى-ەميسسيوندى توموگرافيا (پەت) اپپاراتى مەملەكەتتىك-جەكەشەلىك ارىپتەستىك اياسىندا قولعا الىنعان. بۇل جوبا شىمكەنت قالاسى دەنساۋلىق ساقتاۋ باسقارماسى مەن «مەدينۆەستگرۋپ كازاحستان» جشس-ءى اراسىندا تۇزىلگەن كەلىسىمدەرگە سايكەس جۇزەگە اسىرىلىپ وتىر, دەپ حابارلايدى Egemen.kz
بۇل – ونكولوگيالىق ناۋقاستاردى دياگنوستيكالاۋ جانە ەمدەۋدىڭ جاڭا تەحنولوگيالىق ءادىسى. ياعني, كوزگە كورىنبەيتىن جانە باسقا دا ادىستەرمەن بايقالمايتىن قاتەرلى ىسىكتەردى تابادى جانە اعزاعا جاناما اسەرسىز سانالى ەمدەيدى. ونكولوگيالىق اۋرۋلاردىڭ پايدا بولۋىن ەرتە ساتىسىندا انىقتاپ, ناۋقاستاردىڭ ءومىر جاسىن ۇزارتۋعا مۇمكىندىك بەرەدى. قازاقستاندا بۇل قوندىرعىلار الماتى جانە نۇر-سۇلتان قالاسىندا عانا بار.پەت-ورتالىقتا جىلىنا 3549 ادام قاتەرلى ىسىك دەرتى كورسەتكىشتەرى بويىنشا تەكسەرۋدەن ءوتىپ, ەم قابىلداي الادى.
ينۆەستور اپپاراتتى ورنالاستىرۋ, ونى كۇتىپ-ۇستاۋ, پەرسونالدى وقىتۋ مىندەتتەمەلەرىن ءوز جاۋاپكەرشىلىگىنە الىپ, تۇرعىندارعا ساپالى مەديتسينالىق قىزمەت كورسەتۋدى جوسپارلاپ وتىر. بۇل قادام شىمكەنتتىڭ كەلەشەكتە ايماقتاعى ءىرى مەديتسينالىق ورتالىق رەتىندە قالىپتاسۋىنا مۇمكىندىك بەرەدى.
ايتا كەتۋ كەرەك, اتالعان جوبا كەپىلدەندىرىلگەن تەگىن مەديتسينالىق كومەكتىڭ كەپىلدەندىرىلگەن كولەمى جانە مىندەتتى الەۋمەتتىك-مەديتسينالىق ساقتاندىرۋ جۇيەسى ارقىلى ىسكە اسادى.