اياقكيىمدەردىڭ زاڭسىز يمپورتتالۋىنا جول بەرمەس ءۇشىن ارنايى DataMatrix كودىمەن تاڭبالاندى, دەپ حابارلايدى Egemen.kz تسيفرلىق ەكونوميكانى دامىتۋ ورتالىعىنىڭ ءباسپاسوز قىزمەتى.
DataMatrix كودى ءوندىرىس بارىسىندا تاۋاردىڭ ءار پارتياسىنا بەرىلگەن. وندا ءوندىرۋشى, يمپورتتاۋشى, تاۋار پارتياسىنىڭ سەريالىق ءنومىرى تۋرالى ساندىق اقپارات جانە ونىڭ تاسىمالدانۋىن باقىلاۋ ءۇشىن قاجەتتى باسقا دا مالىمەتتەر كورسەتىلدى. «بۇل كودتى كريپتاقورعانىستىڭ ارقاسىندا قولدان جاساۋ مۇمكىن ەمەس», دەپ جازىلعان حابارلامادا.
اياقكيىم تاۋارلارىن تاڭبالاۋ بويىنشا پيلوتتىق جوبا ءساتتى جۇزەگە استى. وعان 5 قازاقستاندىق ءوندىرۋشى مەن 16 يمپورتتاۋشى قاتىستى.
«جوبا اياسىندا «كازلەگپروم-الماتى», SAMHAT, ZShoesKZ, Almaty Eco Trade Company, «تارازكوجوبۋۆ» سياقتى اياقكيىم فابريكالارى 2019 جىلدىڭ 30 شىلدەسىنەن باستاپ 31 جەلتوقسانىنا دەيىن ءوز تاۋارلارىن ارنايى DataMatrix كودىمەن تاڭبالادى. جوبا اياسىندا قىتاي, تۇركيا, ۋكراينا يسپانيادان اياقكيىم يمپورتتاۋشىلارى دا ءوز ونىمدەرىن تاڭبالادى. ولاردىڭ اراسىندا «سپەتسوبۋۆتورگ», «سپەنيش ريتەيل كازاحستان», Uterque Kazakhstan جانە تاعى باسقا كومپانيالار بار», دەيدى ماماندار.
تاڭبالانعان اياقكيىم تاۋارلاردى تاڭبالاۋ مەن قاداعالاۋدىڭ اقپاراتتىق جۇيەسىنە (تتقاج) ەنگىزىلگەن.
«كەيىن ونىمدەر ساتۋ ورىندارىنا ءتۇسىپ, اينالىمنان شىعارىلدى. ەندى تاۋاردى وندىرىستەن باستاپ, سوڭعى تۇتىنۋشىعا ساتۋعا دەيىنگى بارلىق پروتسەستى تتقاج -دا باقىلاۋعا بولادى», دەلىنگەن حابارلامادا.
ەسكە سالايىق, 2019 جىلى قازاقستان ەۋرازيالىق ەكونوميكالىق وداق اۋماعىندا تاۋارلاردى سايكەستەندىرۋ قۇرالدارىمەن تاڭبالاۋ تۋرالى كەلىسىمدى راتيفيكاتسيالادى. اياقكيىم تاۋارلارىن تاڭبالاۋ جانە قاداعالاۋ بويىنشا پيلوتتىق جوبانى ەنگىزۋ جونىندەگى جول كارتاسىن يندۋستريا جانە ينفراقۇرىلىمدىق دامۋ مينيسترلىگى ازىرلەگەن ەدى.
ايتا كەتەيىك, 2020 جىلدىڭ شىلدەسىندە رەسەي اياقكيىمدەردى مىندەتتى تاڭبالاۋدى ەنگىزدى. ناتيجەسىندە ەلدەگى اياقكيىم نارىعىنىڭ كولەمى بىرنەشە ەسەگە وسكەن (العاشقى ايلاردا عانا – رەسمي مالىمەت)