نۇر-سۇلتاندا 1-8 اقپان ارالىعىندا ۆاكتسيناتسيالاۋعا جوسپارلانعان 916 مەديتسينا قىزمەتكەرىنىڭ 719-ى نەمەسە 78% استامى ەگىلدى. بۇل تۋرالى ورتالىق كوممۋنيكاتسيالار قىزمەتىندە وتكەن بريفينگتە ەلوردانىڭ قوعامدىق دەنساۋلىق ساقتاۋ باسقارماسىنىڭ باسشىسى تيمۋر مۇراتوۆ مالىمدەدى.
«باسقارۋ قويماسىندا كۆي ۆاكتسيناسىنىڭ 1 531 دوزاسى بار. ۆاكتسينالاۋ جوسپلارنعان 916 ادامنىڭ 719 ەگىلدى. ايتا كەتەيىن, ۆاكتسيناتسيالاۋ ەرىكتى نەگىزدە جانە حالىقتىڭ حاباردار ەتىلگەن كەلىسىمى بويىنشا جۇرگىزىلەدى. ەشكىم ەشكىمدى ماجبۇرلەمەيدى. جالپى العاندا, مساك-تىڭ 36 ۇيىمىندا COVID-19-عا قارسى ۆاكتسيناتسيالاۋ جوسپارلانعان 36 ەگۋ كابينەتى جۇمىس ىستەيدى. ەگۋ پۋنكتتەرى بارلىق قاجەتتى زاتتارمەن قامتاماسىز ەتىلگەن جانە سانيتارلىق تالاپتارعا سايكەس كەلەدى», - دەپ اتاپ ءوتتى باسقارما باسشىسى.
سونىمەن قاتار, 36 جىلجىمالى بريگادا, COVID-19-عا قارسى ۆاكتسيناتسيا جۇرگىزۋگە جانە قالدىقتاردى كادەگە جاراتۋعا جاۋاپتى ادامدار انىقتالدى. بمسك ۇيىمدارىندا 80-نەن استام فيلتر كابينەتى بار. ەمحاناعا كىرە بەرىستە بايلانىسسىز تەرمومەتريا, قولدى سانيتايزەرلەرمەن وڭدەۋ مىندەتتى تۇردە جۇرگىزىلەدى جانە پاتسيەنتتەردە ماسكالاردىڭ مىندەتتى تۇردە بولۋى تەكسەرىلەدى. كۆي سيمپتومدارىنىڭ بولۋىنا ساۋالناما جۇرگىزىلەدى.
«قويمادا دياپازونى -18-25°س, ارقايسىسىنىڭ كولەمى 360 ليتر بولاتىن 4 توڭازىتقىش جابدىعى بار. بمسك ۇيىمدارىندا مۇزداتقىش كامەرالار (-18°س) – 20 دانا, 2021 جىلعى 19 قاڭتاردا قوسىمشا 22 مۇزداتقىش كامەرا جەتكىزىلەدى دەپ كۇتىلۋدە, سونداي-اق ۆاكتسينالاردى تاسىمالداۋ ءۇشىن 82 تەرموكونتەينەر بىرلىگى بار. سونىمەن قاتار, سانەپيدباقىلاۋ دەپارتامەنتى ەگۋ كابينەتتەرىنىڭ دايىندىعىنا, ۆاكتسيناتسيا جۇرگىزۋگە, سۋىق تىزبەكتى قامتاماسىز ەتۋ ءۇشىن جاعدايلاردىڭ بولۋىنا مونيتورينگتى جالعاستىرادى», - دەپ اتاپ ءوتتى ت.مۇراتوۆ.