ان-2 سانيتارلىق ۇشاعى قايتا قونۋعا ءماجبۇر بولدى, دەپ حابارلايدى Egemen.kz
ۇشقىش اۋە كەمەسىنىڭ قوزعالتقىشىنىڭ ىستەن شىققانىن حابارلاعاندىقتان, وسكەمەن-زايسان باعىتىندا اكز1222 سانيتارلىق رەيسىمەن ۇشىپ شىققان ان-2 ۇشاعى قايتا قونۋعا ءماجبۇر بولدى.
ۇشاق وسكەمەن قالاسىنان وڭتۇستىككە قاراي 23 شاقىرىم جەردەگى اۆتوكولىك جولىنا قوندى.
يندۋستريا جانە ينفراقۇرىلىمدىق دامۋ مينيسترلىگىنىڭ ءباسپاسوز قىزمەتى حابارلاۋىنشا, زارداپ شەككەندەر جوق. سونداي-اق ۇشاق تا زاقىمدانباعان. بورتتا ەكيپاجدىڭ 3 ادامى جانە 2 مەديتسينا قىزمەتكەرى بولدى.
يندۋستريا جانە ينفراقۇرىلىمدىق دامۋ مينيسترلىگىنىڭ اۋەدەگى وقيعالاردى تەكسەرۋ باسقارماسىنىڭ وكىلدەرى وقيعا بولعان جەرگە اتتاندى.
ايتولقىن مىرزاكاريم