اقش-تاعى يەللوۋستون ۇلتتىق ساياباعىنىڭ استىنان تابىلعان ۆۋلكاننىڭ قۇرلىقتى تۇتاس جويىپ جىبەرۋگە كۇشى جەتەتىنى انىقتالدى. بۇل تۋرالى Segodnya.ua حابارلادى.
جانارتاۋ سوڭعى رەت 640 جىل بۇرىن اتقىلاعان ەكەن. گەولوگتار ونىڭ قۇرامىنداعى قىزعان ماگمالاردىڭ مولشەرى بۇرىنعىدان قاراعاندا الدەقايدا كوبەيگەنىن بايقاعان.
سان-فرانتسيسكودا وتكەن امەريكا گەوفيزيكا وداعىنىڭ كونفەرەنتسياسىندا يۋتا ۋنيۆەرسيتەتىنىڭ عالىمدارى اتالمىش جانارتاۋ اتقىلاعان جاعدايدا, ونىڭ تۇتاس قۇرلىققا اپات اكەلۋ مۇمكىندىگىن مالىمدەدى. الايدا, عالىمدار ۆۋلكاننىڭ كولەمى جونىندە ءبىر پىكىرگە كەلە الماي وتىر. يۋتا ۋنيۆەرسيتەتىنىڭ عالىمدارى وسى ماسەلەگە نۇكتە قويۋ ءۇشىن, ۇلتتىق ساياباق اۋدانىندا زەرتتەۋ جۇمىستارىن جۇرگىزدى.
الىنعان دەرەكتەرگە سايكەس, جانارتاۋ ىشىندەگى ماگما مولشەرى بۇرىنعى كورسەتكىشتەن 2,5 ەسە اسىپ تۇسكەن. «ءبىز مۇندا ۇزاق ۋاقىت زەرتتەۋ جۇرگىزە كەلە جانارتاۋ كولەمى دۇرىس ەسەپتەلمەگەن دەپ بولجادىق. دەي تۇرا, زەرتتەۋ ناتيجەسىن كورىپ قاتى تاڭ قالدىق», – دەدى يۋتا ۋنيۆەرسيتەتىنىڭ پروفەسسورى بوب سميت.
ايدار ورىسباەۆ.
دەرەككوز: Segodnya.ua
فوتو: Traveler-mir.com