كەشە الماتى قالاسىنىڭ ورتالىعىنداعى جىلۋ قۇبىرى تەسىلگەن بولاتىن. ونىڭ جانىندا كەتىپ بارا جاتقان ادامدار ىستىق سۋعا كۇيىپ, اۋرۋحاناعا تۇسكەن ەدى. سونىڭ بۇگىن ەكەۋىنىڭ ءحالى وتە مۇشكىل. بۇل تۋرالى «كتك» تەلەارناسى حابارلادى.
بۇل قۇبىر بىلتىر دا تەسىلىپ, كوممۋنالدىق سالانى قىرۋار شىعىنعا باتىرعان ەكەن. جالپى, وسى شاھاردا جىل باسىنان بەرى جىلۋ جۇيەسىنەن 1976 اقاۋ انىقتالعان. «الماتىنىڭ وزىندە قولدانۋ مەرزىمى ءوتىپ كەتكەن جىلۋ قۇبىرلارىنىڭ ۇزىندىعى -700 شاقىرىم. ءبىز جىلىنا تەك 20 شاقىرىمىن جاڭالاي الامىز. ابدەن توزعان قۇبىرلاردى ءبىر مەزەتتە اۋىستىرىپ تاستاۋعا قاۋقارىمىز جوق. سوندىقتان اپاتتار دا جيىلەپ كەتتى»-دەيدى «الماتى جىلۋ جۇيەسى» جشس باس ديرەكتورى داۋرەن الىمبەكوۆ.
بۇگىن, بۇقارالىق اقپارات قۇرالدارىنا ءباسپاسوز ءماسليحاتىن وتكىزگەن كوممۋنالدىق سالانىڭ جاۋاپتى تۇلعالارى جىلۋدان اجىراتىلىپ قالعان بارلىق عيماراتتارعا جىلۋ بەرىلدى دەپ سەندىردى. سونداي-اق ولار الماتى قالاسىنداعى جىلۋ قۇبىرلارىنىڭ 8 پايىزعا جۋىعىنىڭ قولدانۋ مەرزىمى ءوتىپ كەتكەنىن جانە 60 پايىزىنىڭ مۇلدە ىسكە جارامسىز ەكەنىن ايتتى. قازىر جەرگىلىكتى بيلىك كەشەگى تەسىلگەن جىلۋ قۇبىرىنان زارداپ شەككەندەرگە وتەماقى تولەۋ ماسەلەسىن شەشۋدى ويلاستىرۋدا.
باقىتبەك كەنەش ۇلى.
دەرەككوز: «كتك» تەلەارناسى
فوتو: « 1 ارنا».