«ءبىز بەرىك بىرلىگىمىز بەن بەكەم تىرلىگىمىز ارقىلى ۇلان-عايىر جەتىستىككە قول جەتكىزدىك. الداعى ۋاقىتتا دا يىق تىرەسە ءجۇرىپ, بيىك بەلەستەردى بىرگە باعىندىرا بەرەتىنىمىزگە سەنەمىن»,– دەگەن ەدى ەلباسى «نۇر وتان» پارتياسىنىڭ XV سەزىندە. وسى ورامدى وي ءبىزدى قاناتتاندىرىپ, جوتالى جەتىستىكتەرگە جەتەلەي تۇسكەنىن جاسىرمايمىز. قازىرگى تاڭدا ايماقتا پارتيانىڭ 37 مىڭنان استام مۇشەسى بار. ولاردىڭ ساپالىق قۇرامىن قالىپتاستىرۋ باعىتىندا ەلەۋلى ەڭبەك جاسالدى. پارتيانىڭ XIV سەزى شەشىمدەرىن, سايلاۋالدى تۇعىرناما تالاپتارىن ورىنداۋدا پارتيا مۇشەلەرىنىڭ بەلسەندىلىگى ارتتى.
«ءبىز بەرىك بىرلىگىمىز بەن بەكەم تىرلىگىمىز ارقىلى ۇلان-عايىر جەتىستىككە قول جەتكىزدىك. الداعى ۋاقىتتا دا يىق تىرەسە ءجۇرىپ, بيىك بەلەستەردى بىرگە باعىندىرا بەرەتىنىمىزگە سەنەمىن»,– دەگەن ەدى ەلباسى «نۇر وتان» پارتياسىنىڭ XV سەزىندە. وسى ورامدى وي ءبىزدى قاناتتاندىرىپ, جوتالى جەتىستىكتەرگە جەتەلەي تۇسكەنىن جاسىرمايمىز. قازىرگى تاڭدا ايماقتا پارتيانىڭ 37 مىڭنان استام مۇشەسى بار. ولاردىڭ ساپالىق قۇرامىن قالىپتاستىرۋ باعىتىندا ەلەۋلى ەڭبەك جاسالدى. پارتيانىڭ XIV سەزى شەشىمدەرىن, سايلاۋالدى تۇعىرناما تالاپتارىن ورىنداۋدا پارتيا مۇشەلەرىنىڭ بەلسەندىلىگى ارتتى.
ارينە, مىندەتتەر مول, ونى ورىنداۋ – باستى پارىز. قازىر «نۇر وتان» پارتياسىنىڭ ساياسي دوكتريناسىن ءتۇسىندىرۋ بويىنشا كەشەندى جوسپار قۇرىلدى, سوعان ساي قىزىلوردا وبلىستىق پارتيا فيليالى «نۇر وتان». نۇرلى بولاشاق جولىندا», «دوكترينا: پارتيانىڭ جاڭا يدەولوگيالىق تۇعىرناماسى», «پارتيانىڭ ايماقتىق باعدارى: باسىمدىقتار جانە پەرسپەكتيۆالار», «تۇراقتى دامۋ: مىقتى ەكونوميكا جانە الەۋمەتتىك ءادىل ساياسات» سەكىلدى ءىرى شارالاردى جۇزەگە اسىردى.
بۇگىنگى اۋىل حالقىنىڭ پارتيالىق اقپاراتپەن سۋسىنداۋ دەڭگەيى وتە جوعارى. اقپارات كوزدەرى كوپ, وعان قولجەتىمدىلىك ارتقان. بۇل ورايدا ەل ىشىندە جۇرگەن پارتيالىق اقپاراتتىق-ناسيحات توپتارى تۇسىندىرمەلىك جۇمىستار جاسايدى, تولعاقتى ماسەلەلەردى تارقاتىپ ايتادى. سونداي-اق, جولداۋعا بايلانىستى سالالىق قىزمەتتەردىڭ جاندانۋىن جەتكىزەدى. بۇل ورايدا پارلامەنت سەناتى مەن ءماجىلىسى, بارلىق دەڭگەيدەگى ءماسليحات دەپۋتاتتارىنىڭ ۇلەسى سۇبەلى دەپ ايتقان ءلازىم. ماسليحاتتاعى پارتيا فراكتسياسىنىڭ جۇمىسى, قوعامدىق قابىلداۋدىڭ ماڭىزى ەرەكشە.
ەلباسىنىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» اتتى جولداۋىنا سايكەس قىزىلوردا وبلىسىنىڭ الەۋمەتتىك-ەكونوميكالىق دامۋ باسىمدىقتارىن, ماقساتتارى مەن مىندەتتەرىن ايقىنداعان وبلىستىق فيليال توراعاسى, ايماق باسشىسى قىرىمبەك كوشەرباەۆتىڭ 2013 جىلعا ارنالعان ءىس-قيمىل جوسپارى نەگىزىندە اۋدان, قالا حالقىنىڭ الەۋمەتتىك جاعدايىن جاقسارتۋ باعىتىندا تۇراقتى جۇمىس جۇرگىزىلۋدە. ءىس-قيمىل جوسپارىنىڭ يگىلىگى قازىردىڭ وزىندە ءتيىمدى تابىسقا باستادى. ايتالىق, ايماق ەكونوميكاسىنا سالىنعان ينۆەستيتسيا كولەمى 2,5 ەسەدەن استى. ايماقتا بيۋدجەت قارجىسى ەسەبىنەن 77 الەۋمەتتىك نىسان قۇرىلىسى جۇرگىزىلۋدە. دەنساۋلىق ساقتاۋدى دامىتۋدىڭ 2013-2014 جىلدارعا ارنالعان «جول كارتاسى» ازىرلەندى. وسى قۇجات اياسىندا انا مەن بالا ءولىمى, تۋبەركۋلەز, جۇرەك-قان تامىرلارى جانە ونكولوگيالىق اۋرۋلار كورسەتكىشىن تومەندەتۋ قاراستىرىلىپ جاتىر.
اعىمداعى جىلى وبلىستىڭ ءبىلىم سالاسىندا ءۇش اۋىسىمدىق مەكتەپتەردىڭ ماسەلەسى تولىعىمەن شەشىلدى. ال گاز باعاسى 135-تەن 80 اقش دوللارىنا دەيىن تومەندەدى. ياعني, كوگىلدىر وتىن باعاسى ەكى ەسەدەي ارزاندادى. «بالاساۋىسقاندىق» ۆانادي كەن ورنىندا العاشقى 6 توننا سىنامالى مەتانوۆانادات ءوندىرىلدى. ەلباسىنىڭ تىكەلەي قامقورلىعى ارقاسىندا «سىرداريا وزەنىنىڭ ارناسىن رەتتەۋ جانە سولتۇستىك ارال تەڭىزىن ساقتاپ قالۋ» جوباسىنىڭ 1-ءشى كەزەڭىنىڭ جۇزەگە اسىرىلۋى ايماقتاعى ءداستۇرلى ونەركاسىپ – بالىق شارۋاشىلىعىنىڭ قايتا جاندانۋىنا سەرپىن بەردى. بالىق كونسورتسيۋمىنىڭ دامۋى ەكپىندى ەڭبەكتىڭ تۇساۋىن شەشىپ وتىر. مۇنى حالىقتىڭ الەۋمەتتىك جاعدايىن جاقسارتۋعا باعىتتالعان باياندى باستاما دەسەك, بولاشاققا نەگىزدەلگەن ىرگەلى ىستەر ىركىلىس تاپپايتىنىنا كوزىمىز جەتەدى.
پارتيانىڭ سايلاۋالدى تۇعىرناماسى تالابىنداعى «جۇمىسپەن قامتۋ-2020» باعدارلاماسىن جۇزەگە اسىرۋ شەڭبەرىندە, ەڭبەك نارىعىنىڭ سۇرانىسىنا سايكەس, ايماقتا جالپىعا ورتاق ەڭبەك قوعامىنىڭ دامۋىنا قولداۋ تابىلدى. ءتىپتى يندۋستريالىق-يننوۆاتسيالىق جانە ينفراقۇرىلىمدىق جوبالاردى جۇزەگە اسىرۋ ارقىلى 8 800-دەن كەم ەمەس جاڭا جۇمىس ورنىن قۇرۋ, سونىڭ ىشىندە تۇراقتى جۇمىس ورنىن 5300-گە جەتكىزۋ امالىن قاراستىرۋى ۇلكەن جەتىستىك بولدى. ونىڭ ءبىر بەلگىسى, «نۇر وتان» پارتياسىنىڭ قىزىلوردا وبلىستىق فيليالى «لۋكويلوۆەرسيز» اق-پەن بىرلەسىپ, «اقنيەت» الەۋمەتتىك ارىپتەستىك باعدارلاماسىن ىسكە اسىرۋعا دەن قويدى. مۇنىڭ ارتىقشىلىعى, 2013 جىلى تاجىريبە رەتىندە قارماقشى, جالاعاش جانە سىرداريا اۋداندارى تۇرعىندارىنا جەكە كاسىپ جۇرگىزۋلەرى ءۇشىن قايتارىمسىز 1 ملن. تەڭگەدەن 77 گرانت ءبولىندى. بۇل اۋىلدى قولداۋدىڭ, قاراپايىم حالىقتى كوتەرمەلەۋدىڭ كەرەمەت جولى ەكەنىن كورسەتتى.
بيىل پارتيا توراعاسىنىڭ تىكەلەي تاپسىرماسىنا ساي اۋماقتىق پارتيا فيليالدارىنىڭ ءوز عيماراتى بولۋى كەرەكتىگى تولىق جۇزەگە استى. بۇل باعىتتا پارتيانىڭ قىزىلوردا وبلىستىق فيليالىنا قاراستى بارلىق اۋماقتىق ءبولىم جاڭا قونىسقا كىردى. سول سەكىلدى پارتيا قىزمەتىن اشىق ءارى ءتيىمدى جۇرگىزۋ باعىتىندا «ەلەكتروندى پارتيا» جۇيەسى قولعا الىندى. قوعامدىق قابىلداۋ بولمەسى قىزمەتىن جانداندىرۋعا باسا نازار اۋدارىلدى.
پارتيا فيليالى رەسپۋبليكالىق, وبلىستىق جەلىلىك كەستە بويىنشا قازاقستان رەسپۋبليكاسىنىڭ 2010-2014 جىلدارعا ارنالعان ۇدەمەلى يندۋستريالىق-يننوۆاتسيالىق دامۋ باعدارلاماسى, «جۇمىسپەن قامتۋ-2020», «حالىقتىق IPO», «بيزنەستىڭ جول كارتاسى-2020» بىرىڭعاي اشىق ەسىك كۇندەرىن وتكىزىپ, تاعى دا باسقا جۇمىستار جۇرگىزدى. سونداي-اق, پارتيانىڭ «ارداگەرلەردى ارداقتايىق», «كيەلى مۇرامىزعا تاعزىم», «تۇساۋكەسەر», «ءوز ءتىلىڭدى قۇرمەتتە», «گەندەرلىك ماسەلەلەر بويىنشا جۇمىس», «STOPقىلمىس» قوعامدىق ناۋقانى», «شەكسىز مۇمكىندىكتەر» اتتى ارنايى جوبالارى اياسىندا 52 شارا وتكىزىلىپ, وعان 2856 ادام قامتىلدى.
ەلگە تيەسىلى كۇرىشتىڭ 85 پايىزىن قىزىلوردا وبلىسى وندىرەدى. سوندىقتان العا كۇرىشتىڭ ونىمدىلىگىن ارتتىرۋ, ءونىم وڭدەۋ تەحنولوگياسىن دامىتۋ سياقتى باعىتتاردا زور مىندەتتەر قويىلعان. بيىل ديقاندار مولشىلىققا كەنەلدى. ەل تاۋەلسىزدىك العان 22 جىل ىشىندە تۇڭعىش رەت 70 مىڭ گەكتاردىڭ ءار گەكتارىنان 49 تسەنتنەردەن ءونىم جينالىپ, 365 مىڭ توننا كۇرىش تەرىلدى. وسى بەرەكە ەل داۋلەتىن اسىردى, حالىقتىڭ الەۋمەتتىك جاعدايىن جاقسارتا ءتۇستى. جەرگىلىكتى جەردەن ينۆەستور رەتىندە اۋىلعا اقشا سالىپ, وركەنيەت كوشىنە ىلەسكەن ۇلگى قالىپتاستىرعان ازاماتتار تابىلدى. سولاردىڭ ءبىرى «نۇر وتان» پارتياسى اتىنان سايلانعان وبلىستىق ءماسليحات دەپۋتاتى, «ابزال جانە ك» تولىق سەرىكتەستىگىنىڭ ديرەكتورى ا.ەراليەۆ جاقىندا عانا قازاقستاننىڭ ەڭبەك ەرى اتاندى. بۇل ۇلكەن ماراپات پارتيا بەدەلىن ارتتىردى, مەرەيىن اسىردى.
پارتيا توراعاسى «جاستار – ەل بولاشاعى, جالعاسى» دەپ ولاردىڭ قوعامداعى ورنىن ايشىقتاپ كەلەدى. «جاس وتان» جق قىزىلوردا وبلىستىق فيليالىنىڭ قالالىق جانە 7 اۋداندىق فيليالعا قاراستى 178 باستاۋىش بولىمشەسى بار. قازىر ولاردىڭ قاتارى 11 052 جاسقا جەتتى. «نۇر وتان» پارتياسى ءتوراعاسىنىڭ ءبىرىنشى ورىنباسارى باۋىرجان بايبەكتىڭ باستاماسىمەن «جاستار – اۋىلعا!» جوباسىن جۇزەگە اسىرۋ بارىسىندا قالا جانە اۋدانداردا ءموبيلدى توپتار قۇرىلعان. قىزىلوردا قالاسىنداعى «سىباعا» ورتالىق بازارىندا جاستارعا «كەڭەس ورتالىعى» كەڭەس بەرىپ كەلەدى. وسىنداي وزىق جۇمىستار ناتيجەسىندە باعالاۋ رەيتينگىسى جىلدىڭ ەكىنشى توقسانىمەن قىزىلوردا جاستارى ءبىرىنشى ورىنعا كوتەرىلدى. «جاستار كادرلىق رەزەرۆى» بايقاۋىنا 158 جاس قۇجات تاپسىرىپ, ىرىكتەۋدەن 4 ۇمىتكەر ءوتتى. ال «ديپلوممەن – اۋىلعا!» جوباسى دا ءوز جۇيەسىن تاپقان. بۇگىندە 271 كوتەرمە جاردەماقى جانە 291 تۇرعىن ۇيگە بەرىلەتىن قارجى دەر كەزىندە يگەرىلىپ كەلەدى.
ءبىز ءۇشىن ءاربىر كەزەڭنىڭ جاۋاپكەرشىلىگى ءوز بيلىگىمەن ولشەنەدى. دەمەك, العان اسۋلار مەن سەنىمگە يە بەدەل ەسەلى ەڭبەكتىڭ ەنشىسى دەۋگە بولادى. ەندەشە, «نۇر وتان» ءوزىنىڭ نۇرلى جولىنان تايمايدى.
ولمەسحان بولاتبەكوۆ,
«نۇر وتان» پارتياسى قىزىلوردا وبلىستىق فيليالى
توراعاسىنىڭ ءبىرىنشى ورىنباسارى, ساياسي عىلىمدار دوكتورى.