«قوپا-جيرەنايعىر» ارالىعىندا جۇك پويىزىنىڭ ءماشينيسى تەمىر جول بويىندا ءبىر وتار قويدىڭ بولۋىنا بايلانىستى شۇعىل تەجەۋ قولداندى. توقتاپ ۇلگەرمەۋىنە بايلانىستى پويىز 14 قويدى قاعىپ كەتكەن, دەپ حابارلايدى Egemen.kz
پويىزدىڭ تۇراعى 9 مينۋتتى قۇرادى. بۇل تۋرالى كولىكتەگى پوليتسيا دەپارتامەنتى باستىعىنىڭ مىندەتىن اتقارۋشى سارىقۇل جولانوۆ مالىمدەدى.
ونىڭ ايتۋىنشا, جەلىلىك پوليتسيا بولىمشەسىنىڭ قىزمەتكەرلەرى جەدەل-ىزدەستىرۋ شارالارى بارىسىندا شامالعان ستانتسياسىندا ءۇي جانۋارلارىنىڭ يەسى بولىپ تابىلاتىن الماتى وبلىسىنىڭ 51 جاستاعى تۇرعىنىن انىقتادى.
«ەر ادام قر اقبتك-ءنىڭ 559-بابىنىڭ 1-بولىگى بويىنشا, ياعني, تەمiرجولداردىڭ بولىنگەن جولاعىندا مال جايۋ قاعيدالارىن بۇزعانى ءۇشىن اكىمشىلىك جاۋاپكەرشىلىككە تارتىلىپ, وعان قاتىستى اكىمشىلىك حاتتاما تولتىرىلدى», دەدى پوليتسيا پولكوۆنيگى.
ەسكە سالا كەتەيىك, 2021 جىلدىڭ قاڭتار ايىندا پويىزداردىڭ شۇعىل تەجەلۋىنىڭ 145 فاكتىسى تىركەلدى, ونىڭ ىشىندە ادامداردىڭ بولۋى سەبەبىنەن - 37, تەمىرجول توسەمىندە مالدىڭ بولۋىمەن بايلانىستى - 108.