انتاركتيدادان جۇمباق نىسان تابىلدى

وڭتۇستىك دجوردجيا جانە وڭتۇستىك سەندۆيچ ارالدارى - ۇلىبريتانيانىڭ وتارلىق داۋىردەن بەرى كەلە جاتقان اۋماق. قازىر بۇل قارلى جەرلەرگە British Antarctic Survey مۇشەلەرى يەلىك ەتەدى. ال -54 ° 39'44.62 «S جانە 36 ° 11'42.47» W كوورديناتتارىندا انىقتالعان تاڭقالارلىق وبەكتىگە قاراعاندا, BAS مۇشەلەرى مۇندا جالعىز بولماۋى مۇمكىن دەگەن كۇدىك تۋىنداپ وتىر.

ايتا كەتەيىك, كيل ۋنيۆەرسيتەتىنىڭ ( ۇلىبريتانيا) عالىمى ريچارد ۋوللەر بۇل جەردە ەشقانداي اۋىتقۋشىلىق جوق دەيدى. عالىم بۇل مۇزدىقتىڭ نەگىزگى مۇز ماسساسىنان ءبولىنىپ, سودان كەيىن باۋرايعا قاراي دومالانىپ تۇسكەن بولىگى ەكەنىنە سەنىمدى.

«بۇل انتاركتيدادا ءجيى كەزدەسەتىن قۇبىلىس. مۇزدىقتىڭ بولىگى ءۇزىلىپ ءتۇسىپ, تومەن قاراي دومالاپ, سۋرەتتەگىدەي ءىز قالدىرادى», دەدى ول.

الايدا, جەلىدەگى تىلسىم سىر ىزدەۋشىلەر مۇنداي پروزالىق تۇسىندىرۋگە قاناعاتتانبايدى, سوندىقتان ولار تابيعاتتان تىس جۇمباق نارسە تاپقانىنا سەنىمدى. ولار ساپالى جەرسەرىكتىك ءتۇسىرىلىم قۇپيانى انىقتاۋعا كومەكتەسەدى دەگەن پىكىردە.

ايدا ورالبەك