جەرگىلىكتى اسكەري باسقارۋ ورگاندارى 2004 جىلى تۋعان ەر ازاماتتاردى اسكەرگە شاقىرۋ ۋچاسكەلەرىنە تىركەۋ جۇمىستارىن جۇرگىزىپ جاتىر. 2021 جىلى 1500 مىڭعا جۋىق ازاماتتى اسكەرگە شاقىرۋ جوسپارلانىپ وتىر.
بۇل تۋرالى وڭىرلىك كوممۋنيكاتسيالار قىزمەتىندە شقو قورعانىس ىستەرى جونىندەگى دەپارتامەنتى باستىعىنىڭ ورىنباسارى ەركەش بەكباەۆتىڭ قاتىسۋىمەن وتكەن بريفينگتە ايتىلدى. مامانداردىڭ ايتۋىنشا 18-27 جاس ارالىعىنداعى دەنساۋلىق جاعدايى بويىنشا جارامدى جانە مەرزىمدى اسكەري قىزمەتكە شاقىرۋدى زاڭدى تۇردە كەيىنگە قالدىرماعان ەر ادامدار اسكەرگە شاقىرىلادى.
2021 جىلى كوكتەمگى اسكەرگە شاقىرۋ ناۋقانى 1 ناۋرىزدان باستالىپ, 31 ماۋسىمعا دەيىن جالعاسادى. مەديتسينالىق كۋالاندىرۋ مەن ازاماتتاردى كوماندالارعا ىرىكتەۋ ءىس-شارالارى وبلىستىق جيناۋ پۋنكتىندە سانيتارلىق نورمالاردى ساقتاي وتىرىپ جۇرگىزىلەدى.
بۇدان باسقا, 2021 جىلعى قاڭتار-ناۋرىز ارالىعىندا شقو اۋماعىندا 2004 جىلى تۋعان ازاماتتاردى, سونداي-اق جاسى ۇلكەن, بىراق ءالى كۇنگە دەيىن پروتسەدۋرادان وتپەگەن ازاماتتاردى اسكەري ەسەپكە تىركەۋ جۇمىستارى ءجۇرىپ جاتىر. 2020 جىلى 6500 ادام اسكەري ەسەپكە تىركەۋگە الىندى. جاستاردى تىركەۋ كەزىندە دەنساۋلىق جاعدايى مەن اسكەري قىزمەتكە جارامدىلىعى, جالپى ءبىلىم دەڭگەيى مەن ماماندىعى تەكسەرىلەدى. سونداي-اق, دەنە دايارلىعىنىڭ دەڭگەيى انىقتالادى.