قازاقستان مۇسىلماندارى ءدىني باسقارماسى كوروناۆيرۋسقا قارسى ۆاكتسينا سالدىرۋعا قاتىستى مالىمدەمە جاسادى, دەپ حابارلايدى Egemen.kz باسقارمانىڭ رەسمي سايتىنا سىلتەمە جاساپ.
"يسلام دىنىندە ادامنىڭ ءومىرى مەن دەنساۋلىعىنان اسقان قۇندىلىق جوق. سوندىقتان ءاربىر ادام ءوز دەنساۋلىعىنا اسا ءمان بەرۋى قاجەت.
اللا تاعالا «باقارا» سۇرەسىنىڭ 195-اياتىندا: «وزدەرىڭدى ءوز قولدارىڭمەن قاۋىپ-قاتەرگە سالماڭدار», – دەپ بۇيىرعان.
اللا ەلشىسى (وعان اللانىڭ سالاۋاتى مەن سالەمى بولسىن): «ەمدەلىڭدەر, راسىندا اللا ءاربىر دەرتتى شيپاسىمەن قوسا جاراتتى», – دەگەن.
دانا حالقىمىز: «اۋىرىپ ەم ىزدەگەنشە, اۋىرمايتىن جول ىزدە», – دەگەن. سول ءۇشىن كەز كەلگەن ادام ەمدەلۋدىڭ جانە اۋرۋدىڭ الدىن الۋ جولدارىن قاراستىرۋى ءتيىس.
ارنايى مەديتسينا ماماندارى قازىرگى تاڭدا الەمگە قاۋىپ توندىرگەن كوروناۆيرۋس ىندەتىنىڭ الدىن الۋ ءۇشىن ۆاكتسيناتسيالاۋدىڭ ادام دەنساۋلىعىن ساقتاپ قالۋدىڭ قاۋىپسىز جانە ءتيىمدى ءادىس ەكەنىن ايتۋدا.
ال شاريعات بويىنشا ءزارۋ جاعدايدا ەكپە سالۋعا بولادى. الايدا ەكپە سالدىرۋ – ءار ازاماتتىڭ ءوز ەركى.
اللا تاعالا حالقىمىزدى جۇقپالى ىندەتتەن ساقتاپ, ناۋقاس جاندارعا شيپا ءناسىپ ەتسىن!", دەلىنگەن باسقارما حابارلاماسىندا.