قاراعاندى وبلىسىنىڭ تەمىرتاۋ قالاسىندا پوليتسەيلەر ەشبىر سەبەپسىز جەرگىلىكتى تەلەارنادا قىزمەت ەتەتىن جۋرناليست جاس كەلىنشەكتى سوققىعا جىققان.
قاراعاندى وبلىسىنىڭ تەمىرتاۋ قالاسىندا پوليتسەيلەر ەشبىر سەبەپسىز جەرگىلىكتى تەلەارنادا قىزمەت ەتەتىن جۋرناليست جاس كەلىنشەكتى سوققىعا جىققان.
زارداپ شەگۋشى جانبوتا ساعيدولدانىڭ ايتۋىنشا, ول ءۇي جانىنداعى دۇكەننەن ءسۇت الماقشى بولىپ شىعىپ بارا جاتقانىندا, ماس پوليتسيا قىزمەتكەرلەرى قارسى كەزدەسىپ, ءوزىن تەپكىنىڭ استىنا العان. «ولار مەنى كۇرتەمنەن تارتقىلاپ, كىرەبەرىسكە سۇيرەپ كىرگىزگەن كەزدە ەسىمدى جيناپ, ءبىر رەت كۇيەۋىمدى شاقىرۋعا مۇمكىندىك الدىم. سول ساتتە ولار پىشاقتارىن تاقاپ, تاعى ءبىر رەت ايقايلايتىن بولسام, مەنى ءولتىرىپ كەتەتىندەرىن ايتتى», – دەدى ول.
الگىندەگى ايقايدى ەستىگەننەن كەيىن ۇيدەن ءجۋرناليستىڭ كۇيەۋى اتىپ شىعادى. ونى كورىپ, پوليتسەيلەر پاتەرگە باسىپ كىرمەكشى بولعاندا, جىگىت ەسىكتى جاۋىپ ۇلگەرىپ, ىشكى ىستەر باسقارماسىنا قوڭىراۋ شالا باستايدى.
ال وقيعا بولعان جەرگە كەلگەن پوليتسيا جاساعى ب ۇلىكشىل ارىپتەستەرىنە تۇك تە ىستەمەگەن. «ولاردىڭ باسشىلارى قازىرگە دەيىن ماعان قايتا-قايتا حابارلاسىپ, كەشىرىم بەرۋدى ءوتىنىپ ءجۇر. بىزگە مۇنىڭ كەرەگى جوق. ەگەر پاتەردە مەن بولماي قالسام, ولار ايەلىم مەن ءۇش ايلىق بالامدى ءولتىرىپ كەتە مە, كىم ءبىلسىن! مەن سوندىقتان ولاردىڭ زاڭ جۇزىندە جازا الۋلارىن قالايمىن», – دەيدى زارداپ شەككەن ءجۋرناليستىڭ جۇبايى قايراتبەك زۋحالجاەۆ.
ءوز كەزەگىندە وبلىستىق ىشكى ىستەر دەپارتامەنتىندەگىلەر اتالعان فاكت بويىنشا قىلمىستىق ءىس قوزعالعانىن مالىمدەپ وتىر. «قاراعاندى وبلىستىق ىشكى ىستەر دەپارتامەنتىندە پوليتسيا قىزمەتكەرلەرى تاراپىنان قىزمەتتىك لاۋازىمدارىن اسىرا پايدالانۋ دەرەگى تىركەلدى. ول ءوز تىزبەگىمەن قىلمىستىق پروتسەسسۋالدى كودەكستىڭ 192-بابىنا سايكەس, ەكونوميكالىق قىلمىسقا جانە سىبايلاس جەمقورلىققا قارسى كۇرەس دەپارتامەنتىنە جونەلتىلدى», – دەدى وبلىستىق ىشكى ىستەر دەپارتامەنتى ءباسپاسوز قىزمەتىنىڭ باسشىسى جاڭاتاي سەمبەكوۆ.
مۇرات ايتقوجا.