ۋگاندانىڭ باتىسىنداعى شوسسەدە بەس كولىكتىڭ قاتىسۋىمەن بولعان جول اپاتىنان 32 ادام قازا تاپتى, دەپ حابارلايدى Egemen.kz "حابار 24" ارناسىنا سىلتەمە جاساپ.
«جوندەۋ جۇمىستارى ءجۇرىپ جاتقان فورت-پورتال – كاسەسە جولىندا 2 اقپان كۇنى بەس كولىك سوقتىعىسىپ, 32 ادام وقيعا ورنىندا كوز جۇمدى, تاعى بەسەۋى اۋىر جاراقات العان», دەدى قىزىل جارتى ايدىڭ ۋگانداداعى وكىلى يران ناكاسيتا.كۋاگەرلەردىڭ سوزىنە قاراعاندا, جول اپاتىنا جۇك كولىگى جۇرگىزۋشىسىنىڭ رولگە يە بولا الماي قالۋى سەبەپ.
كولىك ىشىندە ادامدار بولعان. پوليتسيا وقيعانى تەرگەۋگە كىرىستى. جەرگىلىكتى بيلىك جول جوندەۋ جۇمىستارى ءجۇرىپ جاتقاندىعىنان حابار بەرەتىن بەلگى قويماعانى ءۇشىن كومپانيانىڭ ۇستىنەن شاعىم ءتۇسىرىپ ۇلگەرگەن.