بۇل القالى باسقوسۋدى قازاقستان رەسپۋبليكاسىنىڭ تاۋەلسىزدىك كۇنى ۇيىمداستىرىپ وتكىزۋگە مۇرىندىق بولعان «بەيبىتشىلىك الەمى» حالىقارالىق قازاق شىعارماشىلىق بىرلەستىگى (توراعاسى – ءا.نۇرمانوۆ) ەدى. اتالعان بىرلەستىك بىرىككەن ۇلتتار ۇيىمىنىڭ اياسىندا جيىرما وداقتىق سالانى بىرىكتىرىپ, الەمدىك دەڭگەيدە بەلسەندى جۇمىس ىستەۋىمەن ەرەكشەلەنەدى. مىسالى, ونىڭ قۇرامىنداعى زاڭگەرلەر, جازۋشىلار, ساۋلەتكەرلەر, ت.ب. سالالىق وداقتار ءوز تاراپتارىنان ءبىراز تاعىلىمدى ىستەرگە مۇرىندىق بولىپ ءجۇر. جىل سايىن ءتۇرلى كوكەيكەستى تاقىرىپتارعا حالىقارالىق عىلىمي-پراكتيكالىق كونفەرەنتسيالار وتكىزىلۋى سونىڭ جارقىن ايعاعى بولسا كەرەك. ءسويتىپ, ەلىمىزدىڭ الەۋمەتتىك-ەكونوميكالىق, مادەني, رۋحاني دامۋىنا وزىندىك ىزدەنىس, تالپىنىستارىمەن زور ۇلەس قوسىپ جۇرگەنى قاناعات سەزىمىن تۋعىزادى.
بۇل القالى باسقوسۋدى قازاقستان رەسپۋبليكاسىنىڭ تاۋەلسىزدىك كۇنى ۇيىمداستىرىپ وتكىزۋگە مۇرىندىق بولعان «بەيبىتشىلىك الەمى» حالىقارالىق قازاق شىعارماشىلىق بىرلەستىگى (توراعاسى – ءا.نۇرمانوۆ) ەدى. اتالعان بىرلەستىك بىرىككەن ۇلتتار ۇيىمىنىڭ اياسىندا جيىرما وداقتىق سالانى بىرىكتىرىپ, الەمدىك دەڭگەيدە بەلسەندى جۇمىس ىستەۋىمەن ەرەكشەلەنەدى. مىسالى, ونىڭ قۇرامىنداعى زاڭگەرلەر, جازۋشىلار, ساۋلەتكەرلەر, ت.ب. سالالىق وداقتار ءوز تاراپتارىنان ءبىراز تاعىلىمدى ىستەرگە مۇرىندىق بولىپ ءجۇر. جىل سايىن ءتۇرلى كوكەيكەستى تاقىرىپتارعا حالىقارالىق عىلىمي-پراكتيكالىق كونفەرەنتسيالار وتكىزىلۋى سونىڭ جارقىن ايعاعى بولسا كەرەك. ءسويتىپ, ەلىمىزدىڭ الەۋمەتتىك-ەكونوميكالىق, مادەني, رۋحاني دامۋىنا وزىندىك ىزدەنىس, تالپىنىستارىمەن زور ۇلەس قوسىپ جۇرگەنى قاناعات سەزىمىن تۋعىزادى.
ال اتالمىش كونفەرەنتسيادا ەلىمىزدىڭ تاريحى تەرەڭ تالدانىپ, دەموگرافيالىق جاعدايدىڭ وزەكتى ماسەلەلەرى كەلەلى ءسوز ەتىلۋىمەن قاتار, پەداگوگيكالىق رەفورمالاردىڭ تيىمدىلىگىنە قاتىستى الۋان وي-پىكىرلەر ورتاعا سالىندى.
قۇرىلعانىنا الداعى جىلدىڭ باسىندا بەس جىل تولاتىن بۇل بىرلەستىكتىڭ جۇمىسىنا بەلسەنە ارالاسىپ جۇرگەن مۇشەلەرگە كونفەرەنتسيا بارىسىندا بىرىككەن ۇلتتار ۇيىمىنىڭ حالىقارالىق «قۇرمەت بەلگىسى» وردەنى تاپسىرىلدى. ونداي قۇرمەتكە ەلىمىزگە ەسىمى ءماشھۇر زاڭگەر, اكادەميك سۇلتان سارتاەۆ, ساۋلەتكەر, اقىن سايىن نازاربەكوۆ, قالامگەر قايسار ءالىم, ت.ب. يە بولدى.
«ەگەمەن-اقپارات».
–––––––––––––––––––
سۋرەتتە: حالىقارالىق «قۇرمەت بەلگىسى» وردەنىنىڭ يەگەرلەرى س.سارتاەۆ پەن ق.ءالىم.