پارلامەنت سەناتىنىڭ توراعاسى ماۋلەن اشىمباەۆ سەنات جانىنداعى جاس ساراپشىلار كلۋبىنىڭ كەزەكتى وتىرىسىن وتكىزدى, وندا قاتىسۋشىلار قازاقستاندىق ءبىلىم جانە عىلىم ماسەلەلەرىن تالقىلادى, دەپ حابارلايدى Egemen.kz
سەنات توراعاسى كەزدەسۋدى اشا كەلىپ, اتالعان تاقىرىپتىڭ ماڭىزدىلىعىن اتاپ ءوتتى جانە وسى سالانى دامىتۋداعى كەيبىر ترەندتەرگە توقتالدى.
«قازاقستاننىڭ ءبىلىم جانە عىلىم جۇيەسىنىڭ قالىپتاسۋى مەن دامۋى ءبىزدىڭ مەملەكەتىمىزدە ارقاشان باسىمدىقتاردىڭ ءبىرى بولىپ كەلەدى. ەلىمىز پرەزيدەنتىنىڭ قىركۇيەك ايىنداعى جولداۋىندا بىرقاتار ماڭىزدى تاپسىرمالار العا قويىلدى. جالپى العاندا, ەلىمىزدى جاڭعىرتۋ باعدارلامالارى اياسىندا وسى سالاعا باسا نازار اۋدارىلىپ وتىر», دەدى ماۋلەن اشىمباەۆ.
سەنات توراعاسى COVID-19 ءبىلىم بەرۋ جۇيەسىنىڭ جۇمىسىنىڭ قىزمەتىنە ەلەۋلى پروبلەمالار تۋىنداتقانىن اتاپ ءوتتى. سونىمەن بىرگە, پاندەميا وقىتۋدا جاڭا ادىستەردى ەنگىزۋ مۇمكىندىگى مەن ەنگىزۋ كەرەكتىگىن, ال قاشىقتان ءبىلىم بەرۋ الەۋەتىن كەڭىنەن قولدانۋ كەرەك ەكەنىن كورسەتىپ وتىر.
ماۋلەن اشىمباەۆ سونداي-اق ءبىلىم بەرۋ سالاسىنداعى الەمنىڭ بارلىق ەلدەرىنە ءتان مازمۇندى وزگەرىستەرگە توقتالدى.
«وقۋ ءومىر بويى جالعاساتىن پروتسەسكە اينالىپ كەلەدى. بۇل ءبىلىم بەرۋ جۇيەسىن بەلگىلى ءبىر دەڭگەيدە قايتا قۇرۋدى تالاپ ەتەدى. سونداي-اق ساراپشىلار اراسىندا بۇگىنگى تاڭدا جوعارى ءبىلىم بەرۋ جۇيەسى قازىرگى الەمدەگى ەڭ ماڭىزدى ەكى فۋنكتسيانى – ينتەرپرەتاتسيالىق كونتەكست پەن جۇيەلى ويلاۋدى, سونداي-اق وقۋشىلاردا قۇندىلىق جۇيەسىن قالىپتاستىرۋدى اتقارمايدى دەگەن پىكىر بار», دەپ اتاپ ءوتتى سەنات توراعاسى.
ءىس-شاراعا ءبىلىم جانە عىلىم ءمينيسترى اسحات ايماعامبەتوۆ قاتىستى. ول سالالىق مەكەمەدە اتقارىلىپ جاتقان جۇمىستار مەن مەملەكەت باسشىسىنىڭ ءبىلىم بەرۋ جۇيەسىن رەفورمالاۋ جونىندەگى تاپسىرمالارىنىڭ ورىندالۋى تۋرالى ايتىپ بەردى.
ء«بىز جاڭا الەمدە, جاڭا جاعدايدا ءومىر ءسۇرىپ جاتىرمىز. ءبىلىم بەرۋ جۇيەسى دە وعان بەيىمدەلۋى كەرەك. ماسەلە جاڭا رەفورمالار جۇرگىزۋ ەمەس. بىزگە بارلىق وزگەرىستەردىڭ ءتيىمدى بولعانى, قازاقستاندىقتاردىڭ ءبىلىم دەڭگەيى ارتا تۇسكەنى, ۋاقىت تالاپتارىنا سايكەس كەلەتىن قۇزىرەتتەردى قالىپتاستىرۋعا جاعداي جاسالعانى ماڭىزدى», دەپ اتاپ ءوتتى مينيستر.
جاس ساراپشىلار كلۋبىنىڭ وتىرىسى بارىسىندا پىكىرتالاسقا قاتىسۋشىلار قازاقستاندىق ءبىلىم مەن عىلىمنىڭ وزەكتى ماسەلەلەرى بويىنشا ءوز پىكىرلەرىمەن ءبولىستى.
Youth Corps Projectتەگى مونيتورينگ جانە باعالاۋ جونىندەگى ساراپشى, الەۋمەتتانۋشى كاميلا كوۆيازينا ورتا ءبىلىم بەرۋدىڭ جاڭارتىلعان مازمۇنىنا كوشۋ اياسىندا مۇعالىمدەردىڭ بىلىكتىلىگىن ارتتىرۋ ماسەلەلەرى تۋرالى ايتىپ بەردى. پرەزيدەنتتىك جاستار كادرلىق رەزەرۆىنىڭ مۇشەسى, ساياساتتانۋشى ينديرا رىستينا جوعارى جانە جوعارى وقۋ ورنىنان كەيىنگى ءبىلىم بەرۋ ماسەلەلەرىنە توقتالدى. Kzhol قايىرىمدىلىق قورىنىڭ قامقورشىلىق كەڭەسىنىڭ مۇشەسى ديانا ەرلان ەرەكشە قاجەتتىلىكتەرى بار بالالارعا ارنالعان ءبىلىم بەرۋ سالاسىن دامىتۋ جونىندەگى ءوز ۇسىنىستارىن ورتاعا سالدى.
ال ۇلتتىق بيوتەحنولوگيا ورتالىعىنىڭ ادام گەنەتيكاسى زەرتحاناسىنىڭ مەڭگەرۋشىسى ماقسات جاباعين قازاقستاندا عىلىمي كادرلار دايارلاۋداعى وزەكتى ماسەلەلەردى اتاپ ءوتتى.