استانا قالاسىندا دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ وتىرىسى ءوتتى. وندا ساياسي پارتيالاردىڭ, قوعامدىق ۇيىمدار مەن مەملەكەتتىك ورگانداردىڭ باسشىلارى ەڭبەك جانە حالىقتى الەۋمەتتىك قورعاۋ مينيسترلىگى ازىرلەگەن «كاسىپتىك وداقتار تۋرالى» زاڭ جوباسىن تالقىلادى.
استانا قالاسىندا دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىنىڭ وتىرىسى ءوتتى. وندا ساياسي پارتيالاردىڭ, قوعامدىق ۇيىمدار مەن مەملەكەتتىك ورگانداردىڭ باسشىلارى ەڭبەك جانە حالىقتى الەۋمەتتىك قورعاۋ مينيسترلىگى ازىرلەگەن «كاسىپتىك وداقتار تۋرالى» زاڭ جوباسىن تالقىلادى.
تالقىلاۋعا كاسىپوداقتار فەدەراتسياسىنىڭ توراعاسى ابىلعازى قۇسايىنوۆ, پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ, ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا, قازاقستان ەڭبەك كونفەدەراتسياسىنىڭ پرەزيدەنتى سەرىك ءابدىراحمانوۆ, «تاۋ-كەن ءوندىرۋ جانە تاۋ-كەن مەتاللۋرگيا كاسىپورىندارىنىڭ رەسپۋبليكالىق قاۋىمداستىعى» زتب اتقارۋشى ديرەكتورى نيكولاي رادوستوۆەتس, «نۇر وتان», قحكپ, «اق جول» پارتيالارىنىڭ فراكتسيالارىنا مۇشە دەپۋتاتتار قاتىستى. قازىرگى ۋاقىتتا «كاسىپوداقتار تۋرالى» زاڭ جوباسى پارلامەنت ماجىلىسىندە, ياعني «نۇر وتان», قحكپ, «اق جول» پارتيالارى فراكتسيالارىنىڭ دەپۋتاتتارىنان قۇرىلعان جۇمىس توبىنىڭ قاراۋىندا.
«قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» باعدارلامالىق ماقالاسىندا مەملەكەت باسشىسى الەۋمەتتىك-ەڭبەك قاتىناستارىنىڭ ءتيىمدى مودەلىن جاساۋ قاجەتتىگى تۋرالى, ونىڭ نەگىزىندە مەملەكەت, جەكە سەكتور جانە كاسىپتىك وداق بىرلەستىكتەرىنىڭ سەرىكتەستىگى مەحانيزمىن قۇرۋ قاجەتتىگى تۋرالى ايتىپ, كاسىپوداق ينستيتۋتتارىن جاڭعىرتۋ جونىندە مىندەت قويعان بولاتىن. يندۋستريالاندىرۋ بويىنشا اۋقىمدى باعدارلامانى ىسكە اسىرۋ بارىسىندا جاڭا يندۋستريالىق وبەكتىلەردى الەۋمەتتەندىرۋ ماڭىزدى. مۇندا كاسىپوداقتار ماڭىزدى ءرول اتقارادى.
دكجك وتىرىسىندا الەۋمەتتىك-ەڭبەك قاتىناستارىنىڭ ءتيىمدى مودەلى جانە مەملەكەت, جەكە سەكتور مەن كاسىپوداق بىرلەستىكتەرىنىڭ جۇمىس ىستەۋگە قابىلەتتى مەحانيزمى بولعان جاعدايدا ەلىمىزدە جۇرگىزىلىپ جاتقان الەۋمەتتىك جاڭعىرتۋ ءىسى وڭ قادام الاتىنى اتاپ ءوتىلدى.
وتىرىستىڭ قورىتىندىسى بويىنشا بىرقاتار ۇسىنىستار قابىلداندى.
«ەگەمەن-اقپارات».