ەلوردا اكىمى سارىارقا اۋدانى تۇرعىندارىمەن كەزدەستى

«سارىارقا - حالىق تىعىز قونىستانعان اۋدانداردىڭ ءبىرى. ءبىز قالانى تۇرعىنداردىڭ پىكىرى مەن مۇقتاجدىقتارىن ەسكەرە وتىرىپ, "نۇر-سۇلتان – جايلى قالا" ماستەر-جوسپارى اياسىندا دامىتامىز. حالىقپەن قارىم-قاتىناستا - ەسەپ بەرۋ كەزدەسۋلەرىن وتكىزۋ, ازاماتتاردى قابىلداۋ, اۋدانداردى ارالاۋ جانە ت.ب. كومەكتەسەدى.

بۇگىن ساننورمدى ساقتاي وتىرىپ, سارىارقا اۋدانىنىڭ تۇرعىندارىمەن كەزدەستىم. بىلتىر اۋداندا كوپ جۇمىستار اتقارىلدى. 19 ءۇي سالىنىپ, پايدالانۋعا بەرىلدى: بۇل - قۇرىلىسى ۇزاققا كەتكەن ۇيلەردى اياقتاۋعا, سونداي-اق, جىلدار بويى تۇرعىن ءۇي كەزەگىندە تۇرعان ازاماتتارعا جاڭا الەۋمەتتىك پاتەر بەرۋگە مۇمكىندىك تۋعىزدى. سونىمەن قاتار, اپاتتى جاعدايداعى ەسكى ۇيلەردىڭ تۇرعىندارى باسقا ۇيلەرگە كوشىرىلدى. بيىل اۋداندا تاعى 3 ءۇيدى, ال 2022 جىلى 11 ءۇيدى ءسۇرۋدى جوسپارلاپ وتىرمىز», - دەيدى قالا اكىمى.

سونداي-اق, اكىمنىڭ ايتۋىنشا بىرقاتار مەكتەپتەر سالىنىپ, 60-تان استام كوشە جوندەلدى, 40 اۋلا مەن 14 قوعامدىق كەڭىستىك (ساياباقتار, سكۆەرلەر, بۋلۆارلار) اباتتاندى. بۇرىن جابدىقتالماعان كوشەلەرگە جارىق قوسىلىپ, جكۋ شامدارى (ناتري شامى) ەنەرگيا ۇنەمدەيتىن زاماناۋي شامدارعا اۋىستىرىلدى. 2 700-دەن استام اعاش وتىرعىزىلدى, بيىل بۇل كورسەتكىش 2 ەسەگە ارتادى.

«اۋداننىڭ اۋقىمدى جوبالارىنىڭ ءبىرى - گازداندىرۋ. جەكە ۇيىمدارمەن كەلىسسوزدەردىڭ ارقاسىندا ۇيلەردىڭ اراسىنا گاز وتكىزۋ قۇنى ورتا ەسەپپەن 30% تومەندەدى. بۇل ماسەلە - ەل باسشىلىعىنىڭ باقىلاۋىندا.

كەزدەسۋدە تۇرعىندار - كوشەلەردى اسفالتتاۋ, كارىز جۇرگىزۋ, تكش جاڭعىرتۋ جانە ەسكى ۇيلەردى ءسۇرۋ, كوشەلەردى جارىقتاندىرۋ, اۋلالاردى اباتتاندىرۋ, الەۋمەتتىك نىساندار سالۋ, ەرەكشە قاجەتى بار ادامدار ءۇشىن جاعداي جاساۋ جانە ت.س.س. 80-نەن استام ماسەلە كوتەردى. مىسالى, سوڭعى ماسەلە بويىنشا - وسى اۋداندا كورۋ قابىلەتى بۇزىلعان بالالارعا ارنالعان بالاباقشا قۇرىلىسىن بيىل اياقتايمىز», - دەپ جازدى قالا باسشىسى.

تۇرعىنداردىڭ ماسەلەسى باقىلاۋعا الىندى. مەملەكەت باسشىسىنىڭ "حالىق ۇنىنە قۇلاق اساتىن مەملەكەت" تۇجىرىمداماسىنا كوشۋ اياسىندا كەزدەسۋلەردى تۇراقتى نەگىزدە وتكىزەمىز (پاندەميا كەزەڭىندە كوپ بولىگى ونلاين رەجيمگە اۋىستىرىلدى).