كەشە ريددەر پوليتسيا ءبولىمىنىڭ «102» جەدەل ارناسىنا قالالىق اۋرۋحانا مەدبيكەسىنەن 70 جاستاعى تۇرعىن دەنە جاراقاتتارىمەن تراۆماتولوگيا بولىمىنە جۇگىنگەنى جونىندە حابارلاما ءتۇستى.
وقيعا ورنىنا تەز ارادا جەدەل-تەرگەۋ توبى جىبەرىلدى. جابىرلەنۋشىنىڭ ايتۋىنشا, 14 قاڭتاردا شامامەن كەشكى ساعات وندار شاماسىندا, ۇيىنە بەتپەردە كيگەن بەلگىسىز ەكى ەر ادام كىرىپ, سوققىعا جىققان. سودان كەيىن بار-جوعى 7000 تەڭگە اقشاسىن ۇرلاپ كەتكەن.
- جەدەل ىزدەستىرۋ ءىس-شارالارى بارىسىندا ريددەر قالاسىنىڭ كريمينالدىق پوليتسيا ءبولىمىنىڭ قىزمەتكەرلەرى, شقو پوليتسيا دەپارتامەنتىنىڭ كريمينالدىق پوليتسيا باسقارماسىنىڭ قىزمەتكەرلەرىمەن بىرلەسىپ, 33 جانە 44 جاستاعى كۇدىكتىلەردى ۇستادى. قىلمىسكەرلەر ءوز كىناسىن مويىندادى, - دەدى شقو پد باستىعى ساعات ماديەۆ.قىلمىسكەرلەر ريددەر قالاسىنىڭ پب-نىڭ ۋاقىتشا ۇستاۋ يزولياتورىنا قامالدى.قر قك 192-بابى 3-ءبولىمى (قاراقشىلىق) بويىنشا سوتقا دەيىنگى تەرگەۋ امالدارى باستالدى.