«Nur Otan»-نىڭ ۇگىت-ناسيحات ناۋقانىنا بەلسەندى قاتىسقان 18 مىڭنان استام بەلسەندى مەن پارتيا جاقتاسى ەلباسىدان العىس الادى. ماراپاتتالاتىنداردىڭ 70%-تەن استامى – اۋدان مەن شاعىن قالالاردىڭ تۇرعىنى بولسا, 36%-ءتى – ايەلدەر, 27% – 35 جاسقا دەيىنگى جاستار. بۇل تۋرالى بۇگىن پارتيا توراعاسىنىڭ ءبىرىنشى ورىنباسارى باۋىرجان بايبەك Facebook جەلىسىندەگى پاراقشاسىندا جازدى, دەپ حابارلايدى Egemen.kz.
«قۇرمەتتى دوستار! وزدەرىڭىزگە بەلگىلى, وتكەن ەلەكتورالدى ناۋقاندا ءبىزدىڭ پارتيا ءبىر ايعا جەتپەيتىن ۋاقىتتا 7 ميلليوننان استام سايلاۋشىنى قامتي وتىرىپ, 28 مىڭداي ۇگىت-ناسيحات ءىس-شاراسى مەن كەزدەسۋلەر وتكىزدى. ءاربىر قالا مەن اۋداندا 7 مىڭنان استام نۇروتاندىق اعا بۋىن وكىلدەرىمەن, جاستارمەن, دارىگەرلەرمەن, مۇعالىمدەرمەن, جۇمىسشىلارمەن, اگرارشىلارمەن, كاسىپكەرلەرمەن, زيالى قاۋىممەن جانە باسقا دا ازاماتتارمەن كەزدەستى. باسقوسۋلار بارىسىندا ماسەلەلەر اشىق تالقىلانىپ, پارتيانىڭ سايلاۋدا كوزدەگەن ماقساتى تىلگە تيەك ەتىلدى», دەدى ب. بايبەك.
سونداي-اق ول «Nur Otan»-نىڭ جەڭىسكە جەتۋىنە جاس بەلسەندىلەردىڭ قوسقان ۇلەسى كوپ ەكەنىن ايتىپ ءوتتى.
«ەسىكتەن ەسىككە» اكتسياسى اياسىندا جاسوتاندىقتار 1,4 ملن ءۇي مەن پاتەردى ارالاپ, 6,2 ملن ۇگىت ماتەريالىن تاراتتى. وڭىردەردە قوعامدىق قابىلداۋ بولمەلەرى قارقىندى جۇمىس ىستەپ, ولارعا 95 مىڭ ءوتىنىش ءتۇستى. ءبىزدىڭ كانديداتتارىمىز بەن سەنىم بىلدىرىلگەن تۇلعالارىمىز 48 مىڭنان استام ادامدى قابىلدادى. ەلباسى, پارتيا ليدەرى نۇرسۇلتان نازارباەۆ وتكەن سايلاۋ بارىسىندا «Nur Otan»-نىڭ ۇگىت-ناسيحات ناۋقانىنا بەلسەندى قاتىسقانى ءۇشىن 18 مىڭنان استام قاتارداعى بەلسەندى مەن پارتيا جاقتاستارىنا العىس حاتتار جولدادى. ولاردىڭ 70%-تەن استامى – اۋداندار مەن شاعىن قالالاردىڭ تۇرعىندارى. ماراپاتتالاتىنداردىڭ 36%-ءتى – ايەلدەر, 27% – 35 جاسقا دەيىنگى جاستار», دەلىنگەن جازبادا.
وسى ورايدا ول پارتيا ءبىر اي ىشىندە جۇرتشىلىققا بارلىق اۋداندا, قالادا جانە وبلىستا سايلاۋالدى ۋادەلەردى ىسكە اسىرۋ بويىنشا جول كارتالارىن ۇسىناتىنىن اتاپ ءوتتى.
«وندا ناقتى نىسانالى ينديكاتورلار, جىلدار بويىنشا ىسكە اسىرۋ مەرزىمدەرى, سونداي-اق جاۋاپتى ورىنداۋشىلارى كورسەتىلەدى. «Nur Otan» – ماقساتى ايقىن, ناقتى ىستەر پارتياسى! قيىندىقتى ەڭسەرىپ, جەڭىسكە بىرگە جەتەمىز!» دەدى ب.بايبەك.