29 قاڭتاردا قازاقستان رەسپۋبليكاسى مادەنيەت جانە سپورت مينيسترلىگىنىڭ «بوزوق» مەملەكەتتىك تاريحي-مادەني قورىق-مۋزەيىندە بەلگىلى ارحەولوگ ءال-فارابي اتىنداعى قازۇۋ-دىڭ «ارحەولوگيا جانە دالا وركەنيەتتەرى» عىلىمي-زەرتتەۋ ينستيتۋتىنىڭ ديرەكتورى, تاريح عىلىمىنىڭ دوكتورى ۆيكتور زايبەرتتىڭ «بوتاي» (ەكىنشى ءبولىم) كىتابىنىڭ تۇساۋكەسەرى وتەدى, دەپ حابارلايدى Egemen.kz.
بۇل كىتاپتى ازىرلەۋگە بوتاي كەشەندى ەكسپەديتسياسىنىڭ عالىم-ماماندارى قاتىستى.
«بوزوق» قورىق-مۋزەيى ەلىمىزدىڭ تاريحي-مادەني مۇراسىن زەرتتەۋ, ساقتاۋ جانە كوپشىلىككە تانىتۋ ماقساتىندا ەلىمىزدىڭ جەتەكشى عالىمدارىمەن, ارحەولوگتارىمەن بەلسەندى ىنتىماقتاستىق ورناتىپ كەلەدى.
بوتاي - ەۋرازيانىڭ العاشقى جىلقى وسىرۋشىلەرىنىڭ الەمدە تەڭدەسى جوق قونىسى. بۇل مادەنيەت ب.ع.د.V-IV عاسىرلار ارالىعىن قامتيدى. زەرتتەۋ نəتيجەسىندە قازاقستان جەر شارىندا جانۋارلاردى, ەڭ الدىمەن جىلقى مەن سيىردى قولعا ۇيرەتۋدىڭ نەگىزگى ورتالىعىنىڭ ءبىرى ەكەنى انىقتالعان.
بوتاي قونىسىنا زەرتتەۋلەردى 1980 جىلدان باستاپ پروفەسسور ۆيكتور زايبەرتتىڭ باسشىلىعىمەن سولتۇستىك قازاقستان ۋنيۆەرسيتەتىنىڭ عىلىمي ەكسپەديتسياسى جۇرگىزىپ كەلەدى. بوتاي ارحەولوگيالىق ەسكەرتكىشى يۋنەسكو قورعاۋىندا.
ءىس-شاراعا مادەنيەت جانە سپورت مينيسترلىگىنىڭ وكىلدەرى, بەلگىلى عالىمدار, ارحەولوگتار مەن ەتنولوگتار, جوعارى وقۋ ورنىنىڭ وقىتۋشىلارى قاتىسادى.
تۇساۋكەسەر كەزىندە زالدا كوروناۆيرۋس پاندەمياسىنا بايلانىستى بارلىق قاۋىپسىزدىك شاراسى ساقتالادى. سونىمەن قاتار ZOOM ينتەرنەت-پلاتفورماسى ارقىلى ءىس-شاراعا ونلاين-قاتىسۋعا بولادى.