اۋستراليانىڭ دەنساۋلىق ساقتاۋ وكىلدەرى ەلدە ۆيرۋس جۇقتىرعانداردىڭ انىقتالماعانىن حابارلادى. جەكسەنبىدە جاڭا وڭتۇستىك ۋەلس پەن ۆيكتورياداعى قوناقۇي كارانتينىندە شەتەلدەن كەلگەن ءتورت ادامنان ۆيرۋس تابىلعانىنا قاراماستان, جەرگىلىكتى تۇرعىندار اراسىندا ىندەت جۇقتىرعاندار جوق.
اۋستراليا وزگە دامىعان ەلدەرمەن سالىستىرعاندا پاندەميامەن ءتيىمدى كۇرەس جۇرگىزدى. شەكارانىڭ جابىلۋى, لوكداۋن, جاپپاي تەستىلەۋ مەن الەۋمەتتىك قاشىقتىقتى ساقتاۋ شارالارى ءوز ناتيجەسىن بەردى. وتكەن اپتادا 5 كۇن قاتارىنان ىندەت جۇقتىرعان ناۋقاس تىركەلمەگەن.
جالپى بۇل ەلدە وسىعان دەيىن كوروناۆيرۋس جۇقتىرعان 28 700 ادام تىركەلىپ, 909 كىسى قايتىس بولعان. ال ۆاكتسينالاۋ جوسپار بويىنشا اقپاندا باستالماق.
اۋستراليا شەكاراسىن بيىل دا تولىعىمەن اشپايتىنىن مالىمدەگەن بولاتىن. وسىلايشا ەلدەگى ۆيرۋسپەن كۇرەس شارالارىن ماماندار كوپ ەلگە ۇلگى بولارلىق دەپ باعالاپ وتىر. بۇل, اسىرەسە كارى قۇرلىقتاعى جاعدايمەن سالىستىرعاندا ەرتەڭگە دەگەن ءۇمىتتى كۇشەيتە تۇسەدى.