قازاقستان ەلشىسى ماديار مەڭىلبەكوۆ بىرىككەن اراب امىرلىكتەرىنىڭ فەدەرالدى ۇلتتىق كەڭەسىنىڭ توراعاسى ساقر عوباشپەن كەزدەسۋ وتكىزدى, دەپ حابارلايدى Egemen.kz.
اڭگىمە بارىسىندا وتاندىق ديپلوماتتىڭ سۇحباتتاسى قازاقستان پارلامەنتى ءماجىلىسى سايلاۋىنىڭ ءساتتى ءوتۋى ەلىمىزدىڭ دامۋىنا جاڭا سەرپىن بەرەتىنىنە سەنىمدىلىگىن ءبىلدىردى.
وسى رەتتە, ەكى ەل اراسىنداعى پارلامەنتارالىق ىنتىماقتاستىقتى نىعايتۋدىڭ جولدارى تالقىلاندى. اتاپ ايتقاندا, قازاقستان پارلامەنتى مەن ءباا فەدەرالدى ۇلتتىق كەڭەسى اراسىنداعى دوستىق توبىنىڭ وتىرىسىن وتكىزۋ, سونداي-اق ەكى ەل پارلامەنتتەرى مۇشەلەرىنىڭ ءوزارا ساپارلارىن ۇيىمداستىرۋ ۇسىنىلدى.