بۇگىننەن باستاپ قازاقستاندىق قىزاناقتاردى رەسەي فەدەراتسياسىنا الىپ كەلۋگە شەكتەۋلەر الىنىپ تاستالادى, دەپ حابارلايدى Egemen.kz.
قر اشم اگروونەركاسىپتىك كەشەندەگى مەملەكەتتىك ينسپەكتسيا كوميتەتى رف-نىڭ روسسەلحوزنادزور قىزمەتىمەن كەلىسسوزدەر جۇرگىزىپ, «Green Capital Kazakhstan» جشس جانە «Green Land Alatau» جشس-ءنىڭ قىزاناق جەمىستەرىندە قاۋىپتى ۆيرۋسى (Tomato brown rugose fruit virus نەمەسە ToBRFV) بويىنشا جىلىجايلاردىڭ كارانتيندىك فيتوسانيتاريالىق جاي-كۇيى تۋرالى وزەكتى اقپاراتتى ۇسىندى.
قازاقستان تاراپ ۇسىنعان قۇجاتتاردىڭ قورىتىندىسى بويىنشا روسسەلحوزنادزور اعىمداعى جىلدىڭ 27 قاڭتارىنان باستاپ رەسەي فەدەراتسياسىنا اقتوبە جانە الماتى وبلىستارىنان قىزاناق جەمىستەرىن الىپ كەلۋگە ۋاقىتشا شەكتەۋلەردى الىپ تاستادى.
ەستەرىڭىزگە سالساق, بۇعان دەيىن – 2021 جىلعى 19 قاڭتاردا روسسەلحوزنادزور قر پاۆلودار وبلىسىنان قىزاناقتى ەكسپورتتاۋعا رۇقسات بەرگەن بولاتىن.