پەتروپاۆلدا قالا ماڭىنداعى اۋىلداردىڭ بىرىندە 57 جاستاعى تۇرعىننان 14,5 كگ استام ماريحۋانا تابىلدى, دەپ حابارلايدى Egemen.kz Polisia.kz سايتىنا سىلتەمە جاساپ.
سقو پد ەسىرتكى قىلمىسىنا قارسى ءىس-قيمىل باسقارماسىنىڭ قىزمەتكەرلەرىمەن قالا ماڭىنداعى اۋىلداردىڭ ءبىرىنىڭ 57 جاستاعى تۇرعىنىنىڭ ەسىرتكى قىلمىستارىنا قاتىستىلىعى تۋرالى جەدەل اقپارات كەلىپ ءتۇستى. جەدەل-ىزدەستىرۋ ءىس-شارالارى بارىسىندا اتالعان اقپارات راستالدى: ەر ادام استانا جانە بوكەتوۆ كوشەلەرىنىڭ قيىلىسىندا ۇستالدى.
قىزمەتتىك-ىزدەستىرۋ يتتەرىن پايدالانىپ, Volkswagen اۆتوماشيناسىنىڭ سالونىندا سكوتچپەن ورالعان ءۇش پوليەتيلەن پاكەت سالىنعان قاپتى انىقتادى. ىشىندە وسىمدىك تەكتەس ەرەكشە ءيىسى بار زات بولدى. سوت-حيميالىق ساراپتامانىڭ اكتىسى الىنعان زاتتىڭ سالماعى 14 كگ 540 گرامم كەپتىرىلگەن ماريحۋانا ەكەندىگىن كورسەتتى.
اتالعان فاكتى قر قىلمىستىق كودەكسىنىڭ 296-بابى 4-بولىگى (اسا ءىرى مولشەردەگى ەسiرتكi, پسيحوتروپتىق زاتتاردى, سول تەكتەستەردى وتكىزۋ ماقساتىنسىز زاڭسىز دايىنداۋ, قايتا وڭدەۋ, يەمدەنۋ, ساقتاۋ, تاسىمالداۋ) بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. ۇستالعان قاماۋعا الىندى, تەرگەۋ جۇرگىزىلۋدە. ەر ادام بۇرىن بىرنەشە رەت سوتتى بولعان: ەسىرتكى قۇرالدارىنىڭ زاڭسىز اينالىمى ءۇشىن ەكى رەت سوتتىلىعى بار. اسا ءىرى مولشەردە ەسiرتكi قۇرالدارىن وتكىزگەنى ءۇشىن 2008 جىلى سوتتالعان.
باس بوستاندىعىنان ايىرۋ ورنىنان 2018 جىلى بوساپ شىققان. سقو-دا 2020 جىلدىڭ 12 ايىندا زاڭسىز اينالىمنان 462 كگ استام ءتۇرلى ەسىرتكى زاتتارى الىندى.