بازالىق مولشەرلەمە بەلگىلەندى

تيىسىنشە وتىمدىلىكتى ۇسىنۋ جو­نىندەگى تۇراقتى قولجە­تىمدى وپەراتسيالار بويىنشا مول­شەرلەمە 10,00 پايىز جانە وتىم­دىلىكتى الۋ جونىندەگى تۇراقتى قول­جەتىمدى وپەراتسيالار بويىن­شا مولشەرلەمە 8,00 پايىز بولادى. شەشىم ينفلياتسيانى ورتا مەرزىمدى كەزەڭدە 4-6 پايىزدىق نىسانالى دالىزگە قايتارۋ ماقساتىندا قا­بىلدانىپ, تاۋەكەلدەر تەڭگە­رى­مىنىڭ پروينفلياتسيالىق فاكتورلار جاعىنا قاراي ىعىسۋىمەن نەگىزدەلگەن.

«سىرتقى جانە ىشكى ينفليا­تسيالىق قىسىم ۇلعايدى, ازىق-ت ۇلىك باعاسىنىڭ ودان ءارى كوتەرىلۋ تاۋەكەلى ارتتى, ينفلياتسيالىق كۇتۋلەردىڭ جوعارىلاۋى باي­قا­لادى. سونىمەن قاتار ەلدە جانە الەمدە كوروناۆيرۋس ينفەكتسيا­سىنا بايلانىستى بەلگىسىزدىك ساقتالۋدا. جىلدىق ينفلياتسيا 2020 جىلدىڭ قورىتىندىسى بو­يىنشا ۇلتتىق بانكتىڭ بولجامىنا سايكەس قالىپتاسىپ, 7,5 پايىز بولدى. ازىق-ت ۇلىك ينفلياتسياسى الەمدىك باعا مەن ىشكى وندىرۋشىلەر باعاسىنىڭ سەرپىنىنە بايلانىس­تى مايدىڭ, جۇمىرتقانىڭ, قانتتىڭ جانە كوكونىستەردىڭ ايتارلىقتاي قىمباتتاۋى ناتيجەسىندە 11,3 پايىزعا (ج/ج) دەيىن جىلدامدادى» دەلىنگەن حابارلامادا.

باس قارجىلىق قاداعالاۋ­شى­نىڭ حابارلاۋىنشا, ازىق-ت ۇلىك ەمەس ينفلياتسيا 5,5 پايىز (ج/ج) بول­عان. كيىم, اياق كيىم, ججم باعاسىنىڭ ءوسۋى باسەڭدەگەن كەزدە ەپيدەميالىق جاعدايعا, سونداي-اق قاشىقتان جۇمىس ىستەۋ جانە وقۋ جاعدايىندا سۇرانىستىڭ ساقتالۋىنا بايلانىستى ءدارى-دارمەكتەر, ءۇي تۇرمىسىنداعى زاتتار مەن تۇرمىستىق تەحنيكانىڭ باعاسى كوتەرىلدى.

«بازالىق ينفلياتسيا كورسەت­كىش­تەرى ينفلياتسيالىق پروتسەس­تەر­دىڭ جىلدامداۋىن كورسەتەدى. ماسەلەن, جەمىستەر مەن كوكو­نىستەردى, رەتتەلەتىن كوممۋنالدىق قىزمەتتەر, تەمىرجول كولىگى, بايلانىس, بەنزين, ديزەل وتىنى مەن كومىردى قوسپاعاندا جىلدىق كورسەتكىشتەگى ماۋسىمدىق تازا بازالىق ينفلياتسيا 2020 جىلعى جەلتوقساندا 7,9 پايىزعا دەيىن (قىركۇيەك-قازاندا – 5-6 پا­يىز) جىلدامدادى. ينفلياتسيالىق كۇتۋلەر 2020 جىلعى جەلتوقساندا ءبىر جىل بۇرىن كۇتىلەتىن ينفلياتسيانى ساندىق باعالاۋ 7,6 پايىزعا دەيىن ازداپ تومەندەگەن كەزدە جوعارى بولىپ قالىپ وتىر. قازىرگى نەمەسە باعالاردىڭ نەعۇرلىم جىلدام ءوسۋىن كۇتەتىن رەسپوندەنتتەردىڭ ۇلەسى 50 پايىز بولدى (2020 جىلعى قاراشادا – 52 پايىز)» دەلىنگەن حابارلامادا.

ۇسىنىلعان دەرەكتە ەل ەكونو­ميكاسىنىڭ 2020 جىلى 2,6 پا­يىزعا قىسقارعانى ايتىلا­دى. جالپى ىشكى ءونىمنىڭ قىسقارۋىنا تاۋ-كەن ءوندىرىسى, ساۋدا جانە كولىكتىڭ تومەندەۋى تەرىس اسەرىن تيگىزگەن. تاۋ-كەن ونەركاسىبىندەگى قۇلدىراۋ مۇناي مەن گاز كوندەن­ساتىن ءوندىرۋ كولەمىنىڭ تومەن­دەۋىنە بايلانىستى. كولىكتىڭ قىس­قارۋىنا جۇك اينالىمى مەن جولاۋشىلار اينالىمى كولە­مىنىڭ تومەندەۋى ىقپال ەتكەن.

«ۇلتتىق بانكتىڭ كاسىپورىندار اراسىندا جۇرگىزگەن ساۋالداما ناتيجەلەرى ناقتى سەكتورداعى احۋالدىڭ جاقسارعانىن كورسەتەدى. 2020 جىلعى شىلدەدەن باستاپ ىس­كەرلىك بەلسەندىلىك يندەكسى جەل­توق­ساندا 49,0 تارماقتى قۇراپ, 50 تارماق بەلگىسىنە قاراي ءوسۋدى جالعاستىرىپ كەلەدى. كاسىپ­ورىندار بيزنەستى جۇرگىزۋ جاع­داي­لارىنىڭ جاقسارعانىن اتاپ وتەدى – قازاقستان ەكونوميكاسى بويىنشا بيزنەس-كليمات يندەكسى 2020 جىلعى جەلتوقساندا 4,2 (قاراشادا – 1,3) بولدى. پاندەميا اياسىندا الەمدىك ەكونوميكاداعى احۋالدىڭ ناشارلاۋى قازاقستان حالقىنىڭ نومينالدى اقشالاي كىرىسى ءوسۋىنىڭ – 2020 جىلعى ناۋرىزداعى 13,8 پايىزدان قاراشاداعى 2,1 پايىزعا دەيىن (ج/ج) بىرتىندەپ باياۋلاۋىنا دا اسەر ەتتى. سونىمەن قاتار, ينفلياتسيالىق پروتسەستەردىڭ جىلدامداۋى حالىقتىڭ ناقتى اقشالاي كىرىسىنىڭ تومەندەۋىنە الىپ كەلدى (2020 جىلعى قارا­شادا 4,8 پايىزعا قىسقاردى). وسى­عان قاراماستان, ەكىنشى جارتى­ جىل­دىقتا نەگىزىنەن ازىق-ت ۇلىكتى تۇتىنۋعا جانە ازىق-ت ۇلىككە جات­پايتىن تاۋارلاردى تۇتىنۋ­دىڭ السىرەۋىنە بايلانىستى ءۇي شارۋا­شىلىقتارىنداعى تۇتىنۋ­شىلىق سۇرانىستىڭ ءبىرشاما قالپىنا كەلۋى بايقالادى» دەپ جازادى ۇلتتىق بانك.

قازىرگى كەزدە دامىعان ەل­دە­ر­دىڭ ونەركاسىپ سەكتورى جانە قىتايداعى سىرتقى ساۋدا كور­سەت­كىشتەرىنىڭ ودان ءارى ءوسۋى الەمدىك ەكونوميكاعا ايتارلىقتاي قولداۋ كورسەتە باستاعان. ال ساۋدا ارىپتەس ەلدەردەگى جىلدىق ينفلياتسيا سەرپىنى ءارتۇرلى باعىتتا. 2020 جىلعى جەلتوقساندا ەو-دا جىلدىق ينفلياتسيا 0,2 پايىز دەڭگەيىندە قالىپتاسسا, قىتايدا 2020 جىلعى قاراشادا دەفلياتسيا­دان كەيىن ينفلياتسيا 0,2 پايىزعا دەيىن وسكەن. ءوز كەزەگىندە رەسەيدە ينفلياتسيانىڭ 4,9 پايىزعا دەيىن ۇدەۋى بايقالادى, بۇل ازىق-ت ۇلىككە الەمدىك باعانىڭ وسۋىمەن بىرگە سىرتقى ينفلياتسيالىق اسەردىڭ ارتقانىن كورسەتەدى.

«مۇناي نارىعىنىڭ دامۋ پەرس­پەكتيۆالارىنىڭ بەلگىسىز­دىگىنە قاراماستان, حالىقارالىق ۇيىمداردىڭ سوڭعى بولجامدارىندا كۇتىلەتىن مۇناي تۇ­تىنۋ بويىنشا باعالاۋ شامالى جوعارىلادى. سونىمەن قاتار, مۇناي باعاسىنىڭ قازىرگى قال­پىنا كەلۋىنە بايلانىستى مۇناي ۇسىنىسى دا ۇلعايادى دەپ كۇت­ى­لەدى. EIA بولجامدارى بويىنشا 2021 جانە 2022 جىلدارى Brent سۇرىپتى مۇنايدىڭ باعاسى تيى­سىنشە ورتا ەسەپپەن باررەلىنە 52,8 جانە 53,4 اقش دوللارىن قۇ­رايدى» دەپ بولجام جاسايدى ۇلتتىق بانك.